ورالدان فرانكفۋرتقا العاشقى ۇشاق ۇشتى

ورال. قازاقپارات - بۇگىن ورال- فرانكفۋرت باعىتىندا العاشقى ۇشاق ۇشتى، دەپ حابارلايدى «قازاقپارات» ءتىلشىسى.

ءار سارسەنبى سايىن قاتىنايتىن بۇل تىكەلەي رەيس بقو اكىمدىگى مەن « ق پ و ب. ۆ. » كومپانياسىنىڭ «Air Astana» ۇلتتىق تاسىمالداۋشى كومپانياسىمەن جۇرگىزگەن كەلىسسوزى ناتيجەسىندە جۇزەگە استى. گەرمانيانىڭ فرانكفۋرت قالاسى ءىرى حالىقارالىق كولىك بەكەتى ەكەندىگى ءمالىم. ەندى ەۋروپا مەن امەريكاعا بەت العان باتىسقازاقستاندىقتار، سونداي- اق ۇيىنە قايتاتىن شەتەلدىك كومپانيالار قىزمەتكەرلەرى بۇرىنعىداي ورىنبور مەن ساماراعا بارماي- اق تىكەلەي ۇشۋعا مۇمكىندىك الدى. ولاردى تاسىمالدايتىن Airbus A320 اۋە كەمەسىندە ەكونوم- سىنىپتا 132 جانە بيزنەس- سىنىپتا 16 ورىن بار. ۇشۋ ۇزاقتىعى - 4 ساعات 20 مينۋت. وسى مەرزىم ىشىندە جولاۋشىلار بورت جۇيەسىندە ورناتىلعان بەينەقوندىرعى ارقىلى كينو كورىپ، مۋزىكا تىڭداپ، ەلەكتروندى قۇرىلعىلارىنان گازەت پەن جۋرنال قاراي الادى. وبلىس اكىمىنىڭ ورىنباسارى يگور ستەكسوۆ جاڭا رەيستىڭ ءوڭىر تۇرعىندارى مەن كاسىپكەرلەر ءۇشىن قولايلى ەكەندىگىن، ينۆەستيتسيالىق احۋالدى جاقسارتا تۇسۋگە سەپتىگىن تيگىزەتىندىگىن جەتكىزدى.

 «ق پ و ب. ۆ. » كومپانياسىنىڭ جوبالار بويىنشا باسقارۋشىسى تريەۆور ماندەيدىڭ ايتۋىنشا، فرانكفۋرت اۋەجايىنان الەمنىڭ كەز كەلگەن نۇكتەسىنە ۇشۋعا بولادى. بۇل تىكەلەي رەيستىڭ، اسىرەسە، استاناداعى ەكسپو-2017 حالىقارالىق كورمەسى جۇمىس جاساپ جاتقان كەزدە ماڭىزى ەرەكشە. ول باتىس قازاقستان مەن باتىس ەۋروپا اراسىنداعى ۇزدىك كولىك قاتىناسى بولىپ ەسەپتەلەدى. ايتا كەتەيىك، العاشقى ۇشاقپەن 43 جولاۋشى اتتاندى.

  

 اۆتور: ەلجان ەرالى