بىرەۋدىڭ قولىنان اجال قۇشقان سۋديا تۋرالى تىڭ دەرەكتەر
جاننا قايرات قىزى 1971-جىلى قاراعاندى قالاسىندا دۇنيەگە كەلگەن. ەڭبەك جولىن جوعارى سوت وتىرىسىندا حاتشى رەتىندە باستاپ، 28 جىلدان استام ۋاقىت سوت جۇيەسىندە قىزمەت اتقاردى. 1998-جىلدان باتىس قازاقستان وبلىسىنىڭ ورال قالالىق سوتىنىڭ سۋدياسى، 2003-جىلدان باتىس قازاقستان وبلىستىق سوتىنىڭ سۋدياسى، 2007-جىلدان الماتى وبلىستىق سوتىنىڭ سۋدياسى، 2012-جىلدان الماتى وبلىسىنىڭ مامانداندىرلىعان اۋدانارالىق اكىمشىلىك سوتىنىڭ ءتورايىمى، 2014-جىلدان اقمولا وبلىسىنىڭ قىلمىستىق ىستەر بويىنشا اپەللياتسيالىق سوت القاسىنىڭ ءتورايىمى قىزمەتىندە بولدى.
«ءوزىنىڭ كاسىبيلىگى مەن ماماندىعىنا بەرىلگەندىگىنىڭ ارقاسىندا جاننا قايرات قىزى جاس ماماندار مەن سۋديالارعا ۇلگى، ونەگە بولا ءبىلدى. سۋديالار قوعامى ونى جاقسى ادام عانا ەمەس، ءوز ءىسىنىڭ مايتالمان شەبەرى، ءادىل ءارى كاسىبي سۋديا دەپ جادىندا ساقتايتىن بولادى»، دەپ كورسەتىلگەن حابارلامادا.
ەسكە سالا كەتەيىك، اقمولا وبلىسىنىڭ قىلمىستىق ىستەر بويىنشا اپەللياتسيالىق سوت القاسىنىڭ ءتورايىمى جاننا قايرات قىزى بەردىعۇلوۆا اعىمداعى جىلدىڭ 3^-ماۋسىمى كۇنى ءوز ۇيىندە ولتىرىلگەن بولاتىن.
ءى ءى د باسپا ءسوز قىزمەتىنىڭ مالىمەتى بويىنشا 1971-جىلعى ايەلدىڭ مۇردەسى ءوز ۇيىندەگى جۋىناتىن بولمەدەن تابىلعان. مارقۇمنىڭ موينىنان قىلقىندىرۋ بۋىندىرۋ ارەكەتىنىڭ بەلگىلەرى انىقتالدى. وسى وقيعاعا كۇدىكتى 1984-جىلعى كوكشەتاۋلىق ۇستالدى.
كۇدىكتىنىڭ وسىعان دەيىندە اۋىر قىلمىس جاساعانى ءۇشىن سوتتى بولعانى انىقتالدى. قازىرگى كەزدە، كۇدىكتى ۋاقىتشا ۇستاۋ وقشاۋلاعىشىنا توعىتىلىپ، ۇستىنەن ق ر ق ك 99- بابى (ادام ءولتىرۋ) بويىنشا قىلمىستىق ءىس قوزعالىپ وتىر.
اۆتور: اسلان وسپانوۆ
