الماتى مەتروسىندا تاعى ەكى ستانسا سالىنادى
ونىڭ ايتۋىنشا، قالقامان ستانساسى رايىمبەك داڭعىلى مەن ءاشىموۆ كوشەسى قيىلىسىنان سولتۇستىككە قاراي ورنالاساتىن بولادى. «قالقامان ستانساسىنىڭ قۇرىلىسى كەلەسى جىلى باستالادى. 2020-جىلى دوستىق پەن سارىارقا ستانسالارى سالىنىپ بىتەدى. قازىر جوبالاۋ جۇمىستارى ءجۇرىپ جاتىر. قۇرىلىس مەرزىمى ءالى ايقىن ەمەس. ءبارى قارجىلاندىرۋعا بايلانىستى»، - دەدى پاۆەل موسكوۆچۋك.
ال ەلەبايەۆ جانە بايزاق باتىر كوشەلەرىنىڭ اراسىندا «زاپادنىي» ستانساسى بوي كوتەرەدى. وسىمەن مەتروپوليتەننىڭ ءبىرىنشى جەلىسى اياقتالدى. «زاپادنىي» اۆتوبەكەتى كولىكتىك- اۋىسۋ تورابى (كات) بولىپ تابىلادى.
وندا قوعامدىق كولىكتىڭ - حالىقارالىق اۆتوبەكەت، جرك (جەڭىل رەلستى كولىك)، BRT (جۇيرىك اۆتوبۋس جەلىلەرى) جانە مەتروپوليتەن سەكىلدى بىرنەشە ءتۇرى ورتالىقتاندىرىلاتىن بولادى. بۇدان باسقا، «زاپادنىي» اۆتوبەكەتىنىڭ اۋماعىندا قالاعا كىرەتىن ازاماتتارعا ماشينالارىن قالدىرۋعا جانە قوعامدىق كولىكتى پايدالانۋعا مۇمكىندىك بەرەتىن جەكە اۆتوموبيلدەرگە ارنالعان تۇراقتار كوزدەلگەن»، - دەدى پ. موسكوۆچۋك.
اتالعان ەكى ستانسانىڭ سالىنۋىمەن الماتى مەتروپوليتەنىنىڭ ءبىرىنشى جەلىسىنىڭ جالپى ۇزىندىعى 18,3 شاقىرىم بولادى. بارلىعى 13 ستانتسيا بولادى. مامانداردىڭ ەسەبىنشە، مەتروپوليتەننىڭ جولاۋشىلار اعىنى ەسەپ بويىنشا كۇنىنە 100-110 مىڭ ادامعا جەتەدى.
