10:58, 14 - ماۋسىم 2017 | GMT +5
استانادا اسفالتتى «جارىپ شىققان» قول تۋريستەردى تاڭعالدىردى
استانا. قازاقپارات - استاناداعى جەر استىنان شىعىپ تۇرعان قولدىڭ ءمۇسىنى تۋريستەردى تاڭعالدىردى، دەپ حابارلايدى «قازاقپارات» ح ا ا ءتىلشىسى.
بۇل ينستاللياتسيادا اسفالتتى «جارىپ شىعىپ»، الاقانىنا اعاش ءوسىپ تۇرعان ءمۇسىن بەينەلەنگەن. قالالىق شەشىمدەر بيۋروسىنىڭ ديرەكتورى داۋرەن قايساروۆ الەۋمەتتىك جەلىدە جازىلۋشىلارىنىڭ نازارىن وسىنداي كورىكتى كومپوزيتسياعا اۋدارىپ: «ماننيكيۋردىڭ جارناماسى ما؟ جوق! سىزدەر ەلوردامىزدىڭ جاڭا كورىكتى جەرىن نە دەپ اتار ەدىڭىزدەر؟» - دەپ جازدى.
جەلى قولدانۋشىلارى بۇل ينستاللياتسيانى باكۋدەگى مۇسىنمەن سالىستىردى. اتاپ وتكەن ءجون، ەكسپو-2017 كورمەسىن وتكىزۋ كەزەڭىندە قازاقستان استاناسىندا ەرەكشە مۇسىندەر مەن جاس كوشەتتەر پايدا بولدى.
