كوكشەتاۋدا سۋديانى ولتىرگەن كۇدىكتى ۇستالدى

كوكشەتاۋ. قازاقپارات - كوكشەتاۋدا اقمولا وبلىستىق سوتىنىڭ قىلمىستىق ىستەر بويىنشا القا ءتورايىمى جاننا بەردىقۇلوۆا ءوز ۇيىندە ءولتىرىلدى، دەپ حابارلايدى «قازاقپارات» ح ا ا ءتىلشىسى.

پوليتسەيلەردىڭ دەرەگى بويىنشا قاندى وقيعا ماۋسىمنىڭ 13 ءى كۇنى بولعان. 1971-جىلى تۋعان ايەلدىڭ مۇردەسى ءوز ۇيىندەگى جۋىناتىن بولمەدەن تابىلدى. قاسكويدىڭ قولىنان اجال قۇشقان ايەلدىڭ اقمولا وبلىستىق سوتىنىڭ قىلمىستىق ىستەر بويىنشا القا ءتورايىمى جاننا بەردىقۇلوۆا ەكەنىن وبلىستىق سوتتىڭ باسپا ءسوز قىزمەتى راستاپ وتىر.

«مارقۇمنىڭ موينىندا قىلقىندىرىپ ءولتىرۋ ارەكەتىنىڭ ىزدەرى بار. قازىرگى كەزدە، سوت- مەديتسينالىق ساراپتاما جۇمىستارى تاعايىندالدى. وسى وقيعاعا كۇدىكتى 1984-جىلى تۋعان كوكشەتاۋلىق ازامات ۇستالىپ، تۇسىنىكتەمە الىندى.

كۇدىكتىنىڭ وسىعان دەيىندە اۋىر قىلمىس جاساعانى ءۇشىن ءىستى بولعانى انىقتالىپ وتىر. قازىرگى كەزدە، كۇدىكتى ۋاقىتشا ۇستاۋ وقشاۋلاعىشىنا توعىتىلىپ، ۇستىنەن ق ر ق ك 99- بابى (ادام ءولتىرۋ) بويىنشا قىلمىستىق ءىس قوزعالدى»، دەپ ءتۇسىندىردى ءى ءى د باسپا ءسوز قىزمەتىنەن.

اۆتور: اسلان وسپانوۆ