لي شياۋ لۇڭنىڭ جەكپە- جەگى تۇسىرىلگەن جالعىز ۆيدەوسى جاريالاندى – كەسكىن

استانا. قازاقپارات - Youtube-تەگى Bruce Lee Central ارناسىندا شىعىس جەكپە-جەگىنىڭ حاس شەبەرى، كوزى تىرىسىندە-اق اتى اڭىزعا اينالعان اكتەر ءارى رەجيسسەر بريۋس ليدىڭ ارالاس جەكپە-جەكتەن جالعىز ايقاسىنىڭ ۆيدەوسى جاريالاندى.

وندا رينگكە ليدىڭ قارسىلاسى بولىپ قازىرگى تاڭدا ا ق ش- تا شىعىس جەكپە-جەگىنەن ساباق بەرەتىن ونىڭ شاكىرتى تەد ۆونگ شىقتى.

كادرلار بريۋس لي نەگىزىن قالاعان كاليفورنياداعى جاۋىنگەرلىك ونەر مەكتەبىندە تۇسىرىلگەن. نەبارى ەكى كۇننىڭ ىشىندە روليك جەتى ميلليون رەت قارالعان.