07:57, 14 - ماۋسىم 2017 | GMT +5
ەكى پويىز سوقتىعىستى، جاراقاتتانعاندار بار
استانا. قازاقپارات - يتاليادا لەچچە قالاسىنىڭ ماڭىندا ەكى پويىز بەتپە-بەت سوقتىعىستى.
اپات سالدارىنان 15 ادام زارداپ شەكتى، دەپ حابارلايدى RaiNews.
ابىروي بولعاندا، پويىزدار باياۋ قوزعالىپ كەلە جاتقان. سوندىقتان بولار زارداپ شەككەندەردىڭ جاراقاتتارى اۋىر ەمەس.
«پويىزداردىڭ ءبىرى ستانسا ماڭىندا توقتاعان، ال بۇل ۋاقىتتا ەكىنشىسى قىزىل جارىقتىڭ جانعانىنا قاراماستان قوزعالىسىن جالعاستىرعان»، - دەپ اتاپ وتىلگەن حابارلامادا. سونداي-اق جازعى ۋاقىتتا لەچچە ماڭىنداعى تەمىرجولدا پويىزدار قوزعالىسى كۇرت ارتاتىندىعى ايتىلىپ وتىر.
