نۇرلان ەسپانوۆتىڭ قىزى شىعىستانۋشى اتاندى

استانا. قازاقپارات -  ءانشى نۇرلان ەسپانوۆتىڭ قىزى ايگەرىم جوعارى وقۋ ورنىن ءتامامدادى. بۇل جاڭالىقتى ءانشىنىڭ ءوزى الەۋمەتتىك جەلىدەگى پاراقشاسىندا جەتكىزدى.

«قىزىم ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ شىعىس تانۋ فاكۋلتەتىنىڭ تۇلەگى اتاندى. ەندى قىزىم ديپلومى بار شىعىستانۋشى. كورەي جانە اعىلشىن ءتىلىن ءتامامدادى. قۇتتى بولسىن قىزىم» - دەپ جازعان.

ءانشى بيىل كوكتەمدە جيەندى بولعان- دى. بىلتىر ۇزاتىلعان ايگەرىم كوكتەمدە شەكەسى تورسىقتاي ۇلدى دۇنيەگە اكەلگەن بولاتىن.