استانانىڭ اجارىن قازاقتىڭ ۇلى تۇلعالارى بەينەلەنگەن بيلبوردتار ايشىقتايدى

استانا. قازاقپارات - استانا قالاسىنىڭ كوشەلەرىنە قازاقتىڭ داڭقتى تۇلعالارى بەينەلەنگەن ءىرى بيلبوردتار ورناتىلدى، دەپ حابارلايدى قازاقپارات.

بۇل تۋرالى قالالىق سارى ارقا اۋدانى اكىمدىگىنىڭ فەيسبۋكتەگى پاراقشاسىندا جاريالاندى. قازاق ەلىنىڭ داڭقتى قولباسشىسى بوگەنباي باتىردىڭ سۋرەتى مەن قىسقاشا مالىمەتى كورسەتىلگەن بيلبورد «شاپاعات» بازارىنىڭ جانىندا، باتىردىڭ ەسىمى بەرىلگەن كوشەدە پايدا بولدى. اباي جانە جەلتوقسان كوشەلەرىنىڭ قيىلىسىندا ۇلى اقىن، جازۋشى اباي قۇنانبايەۆ تۋرالى بيلبورد ورناتىلسا، ال كورنەكتى قوعام قايراتكەرى، جازۋشى ساكەن سەيفۋلليننىڭ مالىمەتتەرى سارى ارقا داڭعىلى مەن سەيفۋللين كوشەسى قيىلىسىنداعى بيلبوردتا كورسەتىلگەن. داڭقتى ۇشقىش تالعات بيگەلدينوۆقا ارنالعان بيلبورد ۇشقىشتىڭ ەسىمى بەرىلگەن كوشەنىڭ سارى ارقا داڭعىلىنا قاراي بولىگىندە ورناتىلعان.