02:05, 14 - ماۋسىم 2017 | GMT +5
انا قۇرساعىنداعى بالا ءۇشىن دە ءپىتىر بەرىلە مە؟
استانا. قازاقپارات - وتاعاسى ءپىتىر ساداقانى ءوزى ءۇشىن جانە باليعاتقا تولماعان جاس بالالارى ءۇشىن جەكە- جەكە ەسەپتەپ بەرەدى.
انا قۇرساعىنداعى بالاعا ءپىتىر ساداقا بەرۋگە مىندەتتەلمەيدى.
«اللا ەلشىسى قۇرمادان ءبىر سا نەمەسە ارپادان ءبىر سا ءپىتىر ساداقاسىن بەرۋدى ءار ءبىر مۇسىلمان قۇل مەن ازاتتىعا، ايەل مەن ەركەككە، ۇلكەن مەن كىشىگە ولشەپ بەكىتتى. جانە ونى ايت نامازىنا شىقپاي تۇرىپ بەرۋدى بۇيىردى» ، - دەپ جازادى islam.kz.
اللا ەلشىسىنىڭ حاديس- شارىپتەگى «كىشىگە» دەگەن ءسوزى كامىلەتكە تولماعان بالاعا قاتىستى ايتىلعان. ويتكەنى اراب تىلىندە جانە وزگە تىلدەردە «كىشكەنە» نەمەسە «جاس بالا» سوزدەرى انا قۇرساعىنداعى شاقالاققا ەمەس، دۇنيەگە كەلگەن، ءبىراق، ءالى باليعاتقا تولماعان بالاعا قولدانىلادى. الايدا، ساۋاپ ءۇشىن ىشتەگى بالاعا دا ەسەپتەپ بەرىپ جاتساڭىز كۇناسى جوق.
