16:35, 13 - ماۋسىم 2017 | GMT +5
تاتارستان پرەزيدەنتى رۋستام ميننيحانوۆپەن ۆيدەو بليتس- سۇحبات
استانا. قازاقپارات - تاتارستان رەسپۋبليكاسىنىڭ پرەزيدەنتى رۋستام ميننيحانوۆ «استانا ەكسپو-2017» حالىقارالىق كورمەسىنە قاتىسىپ، وندا رەسەي فەدەراتسياسى پاۆيلونىنداعى تاتارستان سەكسياسىن اشقان بولاتىن. ءدال سول كۇنى مارتەبەلى مەيمان استاناداعى حانشايىم سۇيىمبيكە اتىمەن اتالعان كوشەنىڭ اشىلۋ سالتاناتىنا دا قاتىستى.
بۇدان بولەك، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تاتارستان رەسپۋبليكاسىنىڭ پرەزيدەنتى رۋستام ميننيحانوۆتى قابىلدادى.
«رەسەيمەن دە، تاتارستانمەن دە ارامىزدا دوستىق قارىم- قاتىناس ورنىققان. قازاقتار مەن تاتارلار تاريحى، مادەنيەتى، ءتىلى مەن ادەت- عۇرپى جاعىنان ءبىر- بىرىنە وتە جاقىن. ەكونوميكالىق بايلانىستارىمىز دا جاقسى»، - دەدى نۇرسۇلتان نازاربايەۆ كەزدەسۋدە.
ايتا كەتەرلىگى، استاناعا ساپارىنداعى ۋاقىتتىڭ تىعىزدىعىنا قاراماستان رۋستام ميننيحانوۆ «قازاقپارات» حالىقارالىق اقپارات اگەنتتىگىنە ەكسكليۋزيۆتى سۇحبات بەرىپ، وندا «ەكسپو 2017» كورمەسى، قازاقستان مەن تاتارستاننىڭ ءوزارا بايلانىستارى تۋرالى اڭگىمەلەگەن ەدى. سۇحبات قازاق، ورىس جانە تاتار تىلدەرىندە ءوربىدى.
ۆيدەو: يلزات سافارگاليەۆ
