ءازىلحان نۇرشايىقوۆتىڭ قازاق جىگىتتەرىنە ايتقان وسيەتى

 استانا. قازاقپارات - جاستاردىڭ اراسىندا كوپ وقىلعان ايگىلى شىعارما "ماحاببات قىزىق مول جىلدار" ۇلى وتان سوعىسىنىڭ داڭقتى قاھارمانى، ۇلت ماقتانىشى باۋىرجان مومىش ۇلىنىڭ ازاماتتىق، ەرلىك تۇلعاسى مۇسىندەلگەن "اقيقات پەن اڭىز" رومانىنىڭ جانە ت. ب. كىتاپتاردىڭ اۆتورى جازۋشى ءازىلحان نۇرشايىقوۆتىڭ ەسىمى قازاق رۋحانياتىنان ەشقاشان وشپەك ەمەس.

 جازۋشىنىڭ قازاق قىزدارىنا ايتقان وسيەت ءسوزى بۇكىل قازاق ارۋلارىنىڭ اينىماس قاعيداسىنا اينالۋى ءتيىس. سونىمەن بىرگە ونىڭ قازاق جىگىتتەرىنە دە ايتقان وسيەتى بار. وسى ورايدا ونى دا وقىرمان قاۋىمعا ۇسىنۋدى ءجون كوردىك.

 ۇلدارعا وسيەت: - ۇلدار! الدىمەن ءسوزىمدى سەندەرگە ارنايمىن. مەنىڭ سەندەردەن تىلەگىم مىناداي: -  اراق ىشپەڭدەر اينالايىندار! اراق -  ازاماتتىڭ جاۋى: حالىقتىڭ، قوعامنىڭ دۇشپانى... ... ادام اراق ىشپەگەننەن ولمەيدى، ارانى اشىلىپ اراق ىشكەننەن ولەدى. ءاربىر اراق ىشكەن ادامنىڭ ءومىرى از، عۇمىرى قىسقا بولادى. ونىڭ ۇستىنە ماسكۇنەمنىڭ ءومىرى ءمانسىز بولادى. ادامنىڭ ءومىرى ونسىز دا قىسقا. ەندەشە از ءومىردى ارداقتاپ، شاماڭ كەلگەنشە ماعىنالى، ءماندى ەتىپ وتكىزگەنگە نە جەتسىن، شىركىن. جىگىتتەر، قاستارىڭدا وتىرعان قىزداردى قۇرمەتتەڭدەر، ماپەلەڭدەر. الاقاندارىڭا سالىپ الپەشتەڭدەر. قىزدىڭ جانىن قيناماڭدار! قىز- بولاشاقتىڭ اناسى. قىز- الداعى ۇرپاقتىڭ اجەسى. اناڭدى ارداقتاپ، اجەڭدى قۇرمەتتەسەڭ -  قىزدى سىيلا، قاراعىم.

Massaget.kz