قازاقستان ءۇشىن ب ۇ ۇ بالاماسى جوق بىرەگەي ۇيىم - توقايەۆ
«ءبىز بۇگىن ۇلكەن وقيعاعا كۋا بولىپ وتىرمىز. بۇگىندە ەكسپو-2017 ۇلكەن وقيعا، ماڭىزدى ءىس-شارا بولىپ وتىر. بىرىككەن ۇلتتار ۇيىمى كۇنىنىڭ اشىلۋىنا قاتىسۋدامىز. شىن مانىندە قازاقستان ءۇشىن ب ۇ ۇ بالاماسى جوق بىرەگەي ۇيىم. سوندىقتان قازاقستاننىڭ ب ۇ ۇ- مەن بۇدان ارى ىنتىماقتاستىعىن دامىتۋ ءۇشىن بار كۇش-جىگەرىمىزدى جۇمسايمىز»، - دەپ اتاپ ءوتتى سالتاناتتى شاراعا قاتىسقان ق ر پارلامەنتى سەناتىنىڭ ءتوراعاسى قاسىم-جومارت توقايەۆ.
كەلەسى كەزەكتە ءسوز العان ب ۇ ۇ- نىڭ ەكسپو-2017 كورمەسىندەگى باس كوميسسارى دجيحان سۋلتانوگلۋ ەكسپونىڭ تۇراقتى دامۋ ماقساتتارىنا قول جەتكىزۋدەگى قازىرگى كۇش-جىگەرگە تىڭ سەرپىن بەرەتىندىگىن باسا ايتتى.
«ەكسپو ەنەرگيا ءوندىرۋ بارىسىندا پارنيكتى گاز شىعارىندىلارىن قىسقارتۋ بويىنشا ناقتى شەشىمدەردى تابۋداعى ۇكىمەتتەردىڭ، كليماتولوگتار مەن ينجەنەرلەردىڭ اراسىنداعى سۇحبات ءۇشىن ءتيىمدى الاڭعا اينالارىنا سەنىمدىمىن. ەنەرگەتيكا - كليماتتىق پروبلەمالاردى شەشۋ ءۇشىن بارىنشا ماڭىزدى سەكتور سانالادى. سوندىقتان ەنەرگەتيكالىق سەكتور ترانسفورماتسياسى ەلدەردىڭ كليمات پەن دامۋ سالاسىنداعى ءوز ماقساتتارى مەن مىندەتتەرىن شەشۋدە شەشۋشى مانگە يە»، - دەپ اتاپ ءوتتى ول.
اۆتور: مارلان جيەمباي
