نازاربايەۆ گرۋزيا پرەزيدەنتىن قارسى الدى
رەسمي شارا بارىسىندا پرەزيدەنت ءوز دەلەگاتسيالارىن ءبىر-بىرىنە تانىستىرىپ شىقتى. ال قۇرمەتتى قاراۋىل ساپ تۇزەپ، پرەزيدەنت وركەسترى ەكى ەلدىڭ گيمنىن ورىندادى. وسىدان كەيىن قازاقستان مەن گرۋزيانىڭ پرەزيدەنتتەرى شاعىن جانە كەڭەيتىلگەن قۇرامداعى كەزدەسۋلەرگە كىرىپ كەتتى.
ايتا كەتەيىك، بۇعان دەيىن ق ر پرەزيدەنتى نۇرسۇلتان نازاربايەۆقا سەنىم گراموتاسىن تاپسىرعان ەلشى زۋراب اباشيدزە گرۋزيا باسشىسىنىڭ ساپارى جوسپارلانىپ جاتقانىن جەتكىزگەن.
سول كەزدە مەملەكەت باسشىسى گرۋزيامەن اراداعى بايلانىستاردى دامىتۋعا مۇددەلى ەكەنىن ايتقان.
«گرۋزيا كاۆكازداعى ءبىزدىڭ نەگىزگى ارىپتەستەرىمىزدىڭ ءبىرى. تبيليسي توعىز جولدىڭ تورابىندا تۇر. سول سەبەپتى قازاقستان ءۇشىن وسى ەلمەن ساۋدا-ەكونوميكالىق بايلانىستاردى جۇرگىزۋ اسا ماڭىزدى»، - دەگەن بولاتىن نۇرسۇلتان نازاربايەۆ.
