تارازدا بوكستان حالىقارالىق تۋرنير وتۋدە
«6№ وبلىستىق بوكس مەكتەبى» سپورت كەشەنىندەگى بۇل جارىس 15 سالماق دارەجەسى بويىنشا - 42 كەلىدەن 80 كەلىگە دەيىنگى ارالىقتا ءوتىپ جاتىر. شيرەك فينالعا كوپتەگەن قازاقستاندىق سپورتشىلار، سونداي-اق وزبەكستان مەن قىرعىزستاننىڭ بىرنەشە بوكسشىسى ءوتتى.
«ءبىز تۋرنيردى جوعارى دەڭگەيدە وتكىزۋگە بارىمىزدى سالدىق، - دەدى تاراز بوكس مەكتەبىنىڭ باس باپكەرى مۇرات جارىمبەكوۆ.
«كەلگەن كوماندالاردىڭ قۇرامى وتە جاقسى، كورۋگە تۇرارلىق ويىن كورسەتۋدە. رەسەي مەن وزبەكستاننان كەلگەن سپورتشىلاردىڭ دايىندىعى وتە جوعارى». قازاقستاننىڭ جاس وسپىرىمدەر قۇراماسى باس باپكەرىنىڭ كومەكشىسى تالعات الىپبەكتىڭ ايتۋىنشا، وتاندىق بوكستىڭ الدىندا رەسپۋبليكانىڭ رەزەرۆتىك كوماندانى انىقتاۋ مىندەتى تۇر.
«ءبىزدىڭ ءبىر قۇرام باكۋدەگى حالىقارالىق تۋرنيرگە قاتىسىپ جاتسا، ەندى ءبىرى وسىندا جارىسۋدا. نەگىزگى تۋرنيرلەردى وتكىزىپ بولدىق، ءبىراق حالىقارالىق تاجىريبە ارتىقتىق ەتپەيدى»، - دەدى ول.
