استانادا اتاقتى فين سيقىرشىسى يوني پاكانەن ونەر كورسەتەدى
كونسەرت استاناداعى ەكسپو-2017 كورمەسىنىڭ اشىلۋىنا ورايلاستىرىلعان جانە فينلياندياداعى باۋىرلاس قالا وۋلۋستىڭ تارتۋى بولىپ تابىلادى.
وۋلۋ جانە استانا قالالارى باۋىرلاستىق قارىم-قاتىناس ورناتۋ تۋرالى كەلىسىمگە قول قويعان، 2013-جىلدان بەرى رەسمي ارىپتەس بولىپ تابىلادى. كونسەرتتە فينليانديا مەن قازاقستانىڭ ءبىرقاتار تانىمال ارتىستەرى مەن ورىنداۋشىلارى ونەر كورسەتەدى.
اتاپ ايتقاندا، كۇمىس كومەي ءانشى، ءبىرقاتار اندەردىڭ اۆتورى، حالىقارالىق ارەنادا بەلگىلى فين جۇلدىزى ۆەنيور (Venior) ونەر كورسەتەدى. ول فينليانديادا تۋعان، ءبىراق لوندوندا جانە ستوكگولمدە تۇرادى. ءانشى كۇللى الەمدى شارلاپ، كوپتەگەن بەلگىلى ارتىستەرمەن جانە اندەردىڭ اۆتورلارىمەن، پروديۋسەرلەرمەن جانە دي-دجەيلەرمەن جۇمىس ىستەيدى.
ۆەنيور (Venior) مۋزىكاسى - بۇل ءتۇرلى جانرلاردىڭ قوسىندىسى. شارا ءوزىنىڭ عاجايىپ شوۋىن تورتكۇل دۇنيەگە تانىستىرىپ جۇرگەن فين سيقىرشىسى يوني پاكانەننىڭ شوۋىمەن جالعاسادى.
كەشتىڭ ەرەكشە قوناعى - اۋا گيتاراسىندا ويناۋ بويىنشا دۇنيەجۇزىلىك چەمپيون دجاستين گوۆارد.
«سيەۆەرنىي گروم» ءوزىنىڭ كورىنبەيتىن گيتاراسىمەن كاتاردىڭ قۇم توبەلەرىنەن اركتيكالىق شەڭبەرگە دەيىن ءجۇرىپ وتەدى، بەيبىتشىلىك، ماحاببات پەن تۇسىنىستىك تۋرالى جولداۋدى ونەر ارقىلى تاراتادى. سونىمەن قاتار فين ورىنداۋشىلارىمەن بىرگە ساحنادا ايقىن تولەپبەرگەن ونەر كورسەتەدى.
كەش جۇرگىزۋشىسى - اعىلشىن جانە فين تىلدەرىندە 1000 نان استام شارا ۇيىمداستىرعان لاۋري سالوۆاارا.
