وڭتۇستىك قازاقستاننىڭ ونەرپازدارى تۇركيادا ونەر كورسەتۋدە - فوتو
«حالىقارالىق رامازان» فەستيۆالى اياسىندا تۇركيانىڭ باس قالاسى انكارانىڭ كەچيورەن اۋدانىندا جىر الىبى جامبىل جابايەۆ اتىنداعى كوشەنىڭ سالتاناتتى اشىلۋ ءراسىمى جانە «قازاقستان كەشى» كونسەرتى ءوتتى. مەملەكەتارالىق ماڭىزدى شاراعا وڭتۇستىك قازاقستان وبلىسىنان 42 دەلەگات اتتاندى. ولاردىڭ قاتارىندا ق ر ەڭبەك سىڭىرگەن قايراتكەرى، ءشامشى قالداياقوۆ اتىنداعى وبلىستىق فيلارمونيا ءارتىسى سابيراش ءابدىرايىموۆا، ق ر مادەنيەت قايراتكەرى، ءانشى ابىلايحان وسپانوۆ، ق ر مادەنيەت قايراتكەرى، وبلىستىق وپەرا جانە بالەت تەاترىنىڭ ءسوليستى مارات ورازمەتوۆ، ق ر مادەنيەت قايراتكەرى، وبلىستىق وپەرا جانە بالەت تەاترىنىڭ ءسوليستى ءۇرالحان سەيلىبەكوۆا، ق ر مادەنيەت قايراتكەرى، «قازىنا» ءبي ءانسامبلىنىڭ كوركەمدىك جەتەكشىسى زاۋرە اجىبەكوۆا سىندى كوپتەگەن مادەنيەت مايتالماندارى بار.
تۇركياداعى قازاقستان كەشىندە ءداستۇرلى اندەر مەن قازاق-تۇرىك اندەرىنەن پوپۋرريلەر ورىندالسا، «قازىنا» ءبي ءانسامبلى ەلىمىز مادەنيەتىن ءبي ونەرىمەن پاش ەتتى.
«تۇمار» فولكلورلىق ءانسامبلىنىڭ سازدى ونەرى دە قوس ەلدىڭ مەرەكە دۋمانىن اسقاقتاتتى. ارنايى اتتانعان ونەر دەلەگاتتارى تۇركيا مەملەكەتىنىڭ انكارا، ادانا، مەرسين، ىستانبۇل قالالارىندا كونسەرتتىك باعدارلاما ۇسىنادى دەپ كۇتىلۋدە.
