كاتار اراز مەملەكەتتەر ازاماتتارىن ەلدەن قۋمايتىنىن مالىمدەدى
ساۋد ارابياسى، بىرىككەن اراب امىرلىكتەرى، باحرەين جانە پارسى شىعاناعىنداعى تاعى ءبىرقاتار ەلدەر كاتارمەن اۋە، سۋ جانە قۇرلىق قاتىناستارىن توقتاتقان ەدى. بۇل ەلدەر كاتار ۇكىمەتىن ەكسترەميستىك توپتاردى قولداپ وتىر دەپ ايىپتاعان. ولاردىڭ ءبىرقاتارى ءوز اۋماقتارىنان كاتار ازاماتتارىنىڭ كەتۋىن تالاپ ەتكەن.
ا ق ش پرەزيدەنتى دونالد ترامپ كاتارعا قارسى بۇل شارالاردى قولدايتىنىن مالىمدەگەن. ونىڭ بۇل مالىمدەمەسىن ا ق ش- تىڭ باسقا شەنەۋنىكتەرى، سونىڭ ىشىندە بۇل ەلدىڭ مەملەكەتتىك حاتشىسى رەكس تيللەرسون جۋىپ- شايۋعا تىرىستى. كاتاردا ا ق ش- تىڭ ءىرى اسكەري بازاسى ورنالاسقان.
كاتار ۇكىمەتى تەرروردى قولدايدى دەگەن ايىپتىڭ نەگىزسىز ەكەنىن مالىمدەپ، ارادا تۋعان ارازدىقتى ۇمىتۋ ءۇشىن كەلىسسوزدەر جۇرگىزۋگە دايار ەكەنىن حابارلاعان.
كاتار مەملەكەتتىك مەدياسى «ارازدىق ناۋقانىن باستاپ، ديپلوماتيالىق بايلانىستى ۇزگەن كورشى ەلدەردىڭ كاتاردا تۇراتىن ازاماتتارىنا قارسى شارالار قولدانىلمايدى» دەپ حابارلادى.
يراننىڭ تاسىمال سالاسىنداعى ۇلتتىق كومپانياسى 11- ماۋسىم كۇنى كورشى ەلدەردىڭ بلوكاداسىنان زارداپ شەگىپ وتىرعان بۇل ەلگە ازىق- تۇلىك تيەلگەن بەس جۇك ۇشاعىن اتتاندىرعانىن حابارلادى. يران كورشى ەلدەر اۋە جولدارىن جاپقاننان كەيىن كاتار اۋە جەلىلەرىنە ءوزىنىڭ اۋە كەڭىستىگىن اشىپ بەردى.
www.azattyq.org
