شىعىس قازاقستان تۇرعىنى ەكسپو ءۇشىن الىپ اسىق دايىنداپ شىقتى
ەرەكشە دۇنيەنى جاساپ شىعۋ ءۇشىن بولات تاعاباي جارتى جىل ۋاقىت پەن 50 مىڭ اسىق جۇمساعان. ول 16 جىلدا جالپى سانى 100 مىڭعا جۋىق اسىق جيناعان ەكەن.
ونىڭ بۇل قىزىعۋشىلىعىنىڭ جۇزەگە اسۋى ءۇشىن وعان تۋىستارى، كورشىلەرى، دوستارى ءتىپتى بەيتانىس ادامدار دا كومەك بەرگەن.
اسىقتى دايىنداپ شىعۋعا التى اي ۋاقىت كەتىرىپتى.
«مەن اۋەلى 50 مىڭ اسىقتى جۋىپ، سوسىن 2 اي بويى كەپتىرىپ، سودان كەيىن عانا بىرىكتىرە باستادىم. بۇل پروتسەستىڭ ءوزى تاعى ەكى اي ۋاقىتتى الدى»، - دەيدى بولات تاعاباي.
ونەرتاپقىش ءوزى جاساعان ءونىم ەكسپو كورمەسىنەن ورىن الادى دەپ ۇمىتتەنەدى.
«اسىق جابىق جەردە ساقتالعانى دۇرىس. ونىڭ فونىندا ادامدار ەستەلىك سۋرەتكە ءتۇسىپ، ال سوعان جاقىن ماڭايعا بالالار وينايتىن اسىق الاڭقايىن جاساپ قويۋعا بولادى. قازاقتىڭ ءداستۇرى مەن سالتىنا قىزىعاتىن شەتەلدىكتەرگە مەنىڭ جۇمىسىم ۇناۋى كەرەك»، - دەيدى اۆتور.
