قانات يسلام تاريحي بوكس جۋرنالىنا بەرگەن سۇحباتى
- قاشان جانە نەگە بوكستى تاڭدادىڭىز:
مەنىڭ رينگتىڭ اينالاسىندا جۇرگەنىمە سەگىز جىلداي ۋاقىت بولدى. مەنىڭ ماقساتىم - كاسىبي بوكستان قازاقستاندى كۇشتى ۇلت ەكەنىن مويىنداتۋ.
- بارلىق ۋاقىتتاعى سۇيىكتى جاۋىنگەرىڭىز:
مۇحاممەد ءالي، ويتكەنى ول ۇلى بوكسشى عانا ەمەس، سونداي-اق ول ناعىز ادام.
- ءسىز كورگەن ۇزدىك جەكپە-جەك:
مارۆين حاگلەر - شۋگار رەي لەونارد. ولار ناعىز شايقاستى كورسەتە الدى.
- ءوز مانسابىڭداعى ەڭ ۇزدىك جەتىستىك:
2008-جىلى وليمپيادا ويىندارىندا قولا مەدال جانە 2007-جىلى الەم چەمپيوناتىندا جەڭىسكە جەتتىم. قازىر مەن WBA، IBF، WBO رەيتىنگىندە جوعارى ساتىدا تۇرمىن. كاسىپقوي بوكستان الەم چەمپيونى بولماي دەمالۋعا ۋاقىت جوق.
- ەڭ قيىن قارسىلاس:
2013-جىلى ەميليو حۋليو حۋليو (ءۇشىنشى راۋندتا جەڭىس. KO) ول جەكپە-جەك ەكۆادوردا جوعارى بيىكتىكتە بولدى، سوندىقتان دەمالۋ قيىنعا سوقتى.
- جاتتىعۋ جايلى كەڭەس:
دۇرىس تاماقتانۋ، جاتتىعۋ جانە تابيعات اياسىندا دەمالۋ.
- سۇيىكتى تاعامىڭىز / مەيرامحانا:
مەن جىلقى ەتىن جەۋدى ۇناتامىن، بارلىق قازاقستاندىقتار سەكىلدى. سونداي-اق قازاق اسىن جاسايتىن كەز-كەلگەن مەيرامحاناعا بارامىن.
- بوكس سالاسىنداعى جاقىن دوستارىڭىز:
بۇرىنعى وليمپيادا چەمپيونى باحتيار ارتايەۆ جانە سەرىك ساپيەۆ پەن روي دجونس جانە بەيبىت شۇمەنوۆ.
- باسقا قانداي سپورت ءتۇرىن تاڭدار ەدىڭىز:
بالا كەزىمدە فۋتبولشى بولۋدى ارمانداعانمىن، ءبىراق قازىر بوكستان باسقا سپورتتىڭ قاجەتى جوق.
- ءسىز كورگەن سوڭعى فيلم / ت ۆ شوۋ:
«قازاق حاندىعى» بۇل قازاقستان تاريحى جايلى وتە قىزىقتى فيلم.
- كىم ءسىزدىڭ ءومىرىڭىز جايلى فيلمدى وينار ەدى:
سيلۆەستر ستاللونە، ويتكەنى ول بوكس تۋرالى بىلەتىن اكتەر.
- ءسىز ءبىر كەزدەرى بىرەۋدىڭ جانكۇيەرى بولدىڭىزبا:
مەن اكتەر، ءانشى نەمەسە ءبيشى بولۋدى ەشقاشان ارمانداعان ەمەسپىن. سوندىقتان مەن اتاقتى ادامدارمەن كەزدەسىپ اسەر العان ەمەسپىن. مىنە مايك تايسون جانە مۇحاممەد ءالي - مەن ءۇشىن ناعىز جۇلدىزدار.
- ءسىز سوڭعى رەت قاشان جىلادىڭىز:
قازاقتانداعى جاس بالالاردىڭ ۇلتتىق ماقتانىش سەزىمى جوعالعان كەزدە. مەنىڭ ۇلتىمنىڭ اۋرۋى - بۇل مەنىڭ اۋرۋىم بولىپ تابىلادى.
- ەڭ جاقسى كەڭەس:
مەن العاش سپورت زالىنا بارعان كەزىمدە، مەنىڭ جاتتىقتىرۋشىم ماعان بىلاي دەدى: «ماعان چەمپيون قاجەت ەمەس، ماعان ءجاي عانا ادام قاجەت». مەن ءالى كۇنگە دەيىن ونىڭ كەڭەسىن ەستەن شىعارمايمىن جانە ارقاشان جاقسى ادام بولۋعا تىرىسامىن.
- ءوزىڭ تۋرالى ناشار سىبىس:
مەن وسەك ايانعا نازار اۋدارمايمىن.
