10:10, 12 - ماۋسىم 2017 | GMT +5
گەننادي گولوۆكين: مەن تولقىپ تۇرمىن، الايدا بۇل قورىققاندىق ەمەس
استانا. قازاقپارات - ورتا سالماقتا بىرنەشە دارەجە بويىنشا الەم چەمپيونى گەننادي گولوۆكين The Ring TV تەلەارناسىنا بەرگەن سۇحباتىندا 16- قىركۇيەكتە وتەتىن ساۋل الۆارەسپەن بولاتىن كەزدەسۋدىڭ الدىنداعى ءوزىنىڭ كوڭىل-كۇيى تۋرالى ايتىپ بەردى، دەپ حابارلايدى Sports.kz.
بۇل ءسىزدىڭ كارەراڭىزداعى ەڭ ماڭىزدى كەزدەسۋ. ءسىز قوبالجىپ تۇرعان جوقسىز با؟ «ارينە، مەن تولقىپ تۇرمىن، ءبىراق بۇل قورقىنىش سەزىمى ەمەس. ءبىر جىل بۇرن مەن بۇل كەزدەسۋگە دەگەن قىزىعۋشىلىعىمدى جوعالتقانمىن. ال قازىر بۇل جاڭا كەزەڭ. مەنىڭشە، بۇل ەكەۋمىز ءۇشىن دە تاماشا مۇمكىندىك»، - دەدى گولوۆكين.
