قازاقستان مەن قىتاي قورعاستا سەل ۇستايتىن بوگەت سالادى

استانا. قازاقپارات - قازاقستان مەن قىتايدىڭ بىرلەسىپ قورعاس وزەنىندە سالاتىن بوگەتى 9,8 ميلليون تەكشە مەتر سەل ماسساسىن ۇستاي الادى.

بۇل تۋرالى ق ر ءى ءى م ت ج كوميتەتىنىڭ باسپا ءسوز قىزمەتى حابارلادى. بۇدان بۇرىن حابارلانعانداي، 2017-جىلعى 8- ماۋسىمدا اقوردادا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن قىتاي حالىق رەسپۋبليكاسىنىڭ ءتوراعاسى شي جينپيڭنىڭ قاتىسۋىمەن قورعاس وزەنىنىڭ شۇكىربۇلاق بىرلەسكەن سەل ۇستايتىن بوگەت سالۋداعى ىنتىماقتاستىق تۋرالى كەلىسىمگە قول قويىلدى.

قول قويۋ راسىمىنە قازاقستان تاراپىنان ق ر ىشكى ىستەر ءمينيسترىنىڭ ورىنباسارى يۋري يلين، ق ح ر- دان - سىرتقى ىستەر ءمينيسترى ۆان ي. قاتىستى.

قورعاس وزەنى سەل جانە تاسقىن قاۋپى ولشەم شارتتارى بويىنشا سەل قاۋىپتىلىگى بويىنشا جوعارى ساناتقا جاتاتىنىن اتاپ ءوتۋ قاجەت.

شۇكىربۇلاق سەل ۇستاعىش بوگەتىن سالۋ 9,8 ميلليون تەكشە مەترگە دەيىنگى سەل ماسساسىن ۇستاپ قالۋعا مۇمكىندىك بەرمەك.