07:07, 12 - ماۋسىم 2017 | GMT +5
دانيار ەلەۋسىنوۆ: ۇلتتىق قۇراماعا كەلمەي تۇرىپ ويلانىپ الۋىم كەرەك
استانا. قازاقپارات - ريو-دە-جانەيرو وليمپياداسىنىڭ چەمپيونى دانيار ەلەۋسىنوۆ بوكستان قازاقستان ۇلتتىق قۇراماسىنا قايتا كەلۋ-كەلمەۋ ماسەلەسىن ءالى شەشپەگەنىن ايتتى، دەپ حابارلايدى قازاقپارات ءتىلشىسى.
«ۇلتتىق قۇراماعا قايتا كەلۋ-كەلمەۋ ماسەلەسىن ءالى شەشكەن جوقپىز. ءالى دە ويلانۋ ۇستىندەمىز. ءبىراق بۇرىنعى كەلىسىم جاساعان كومپانيا ءبىزدى الداپ سوققانىن وسىعان دەيىن تىلشىلەرگە ايتتىق. ولاردان ءبىرجولا قول ۇزدىك. ءبىراق، باسقا دا ءتۇسىپ جاتقان ۇسىنىستار بار. ۇلتتىق قۇراماعا قايتا كەلمەس بۇرىن جاقسىراق ويلانىپ الۋىمىز كەرەك»، - دەپ اتاپ ءوتتى دانيار ەلەۋسىنوۆ.
ەستەرىڭىزگە سالا كەتەيىك، وسىعان دەيىن دانيار ەلەۋسىنوۆ قازاقپارات تىلشىسىنە بەرگەن سۇحباتىندا ۇلتتىق قۇراماعا قايتا كەلۋى مۇمكىن ەكەنىن ايتقان بولاتىن. وعان باستى سەبەپ، اۆستراليالىق MJA Entertainment پروموۋتەرلىك كومپانياسى بەرگەن ۋادەلەرىنەن تايىپ، بوكسشىلاردى كاسىپقوي بوكستاعى شارشى الاڭعا شىعارماعان.
اۆتور: كۇنسۇلتان وتارباي
