ساۋد ارابياسى مۇناي باعاسىنا قاتىستى بولجام جاسادى
شارادان كەيىنگى باسپا ءسوز ءماسليحاتىندا ءال-حاليد مىرزا مۇناي باعاسىنا قاتىستى سۇراققا جاۋاپ بەردى، دەپ حابارلايدى قازاقپارات ءتىلشىسى.
«ەندى، مۇناي باعاسىنىڭ ناقتى باعاسىن بولجاۋ قيىن. سەبەبى وعان كوپتەگەن فاكتورلار اسەر ەتەدى. بۇدان بولەك، گەوساياسي جانە ماكروەكونوميكالىق سەبەپتەر تاعى بار. دەگەنمەن، ءبىز مينيسترلەر دەڭگەيىندە وسى ماسەلەگە اسەر ەتە الامىز. قازىر نەگىزگى ماقسات - مۇناي سالاسىنداعى تەپە-تەڭدىكتى ساقتاۋ. سەبەبى مۇنايدان تۇسەتىن قارجى ءبىر ايماقتا شوعىرلانسا، تۇراقسىزدىق بولادى. وندايعا جول بەرمەۋ كەرەك. سوسىن ۇسىنىس پەن سۇرانىستىڭ اراسىندا تەڭدىك بولۋى ءتيىس. سوندا مۇنايدىڭ باعاسى دا وزگەرەدى. دەگەنمەن، الداعى ۋاقىتتا مۇنايدىڭ باعاسى ءۇش ءماندى سانعا جەتەدى دەپ ايتا المايمىن. سەبەبى ۇسىنىس سۇرانىستان باسىم بولادى»، - دەيدى حاليد ءال-فاليح.
ايتا كەتەيىك، بۇگىن ەكسپو-2017 كورمەسى اياسىندا ەنەرگەتيكا جونىندەگى VIII حالىقارالىق فورۋمى مەن وسى سالاداعى مينيسترلەردىڭ كەزەكتى كونفەرەنتسياسى ءوتتى.
وتىرىس بارىسىندا ر ف ەنەرگەتيكا ءمينيسترى الەكساندر نوۆاك ەۋروپانىڭ قازىرگى ۇستانىمىنا ءوز ەلىنىڭ رەنىشىن ءبىلدىردى.
