رۋستام ميننيحانوۆ ەكسپو كورمەسىندەگى تاتارستان اپتالىعىن اشادى
تاتارستان كورمەسى اپتالىعىنىڭ اشىلۋى 12- ماۋسىم كۇنى وتەدى. ەكسپو-2017 كورمەسىندە حابارلانعانداي، وندا تاتارستاننىڭ 15 كە جۋىق ءىرى كومپانيالارى تانىستىرىلماقشى.
«ولاردىڭ قاتارىندا «تاتنەفت» ا ق، «تايف» كومپانياسىنىڭ توبى، «كاماز» ك ا ق، «تاتەنەرگو» ا ق سىندى كومپانيالار جانە قازان مەملەكەتتىك ەنەرگەتيكا ۋنيۆەرسيتەتىنىڭ جۇمىستارى تانىستىرىلاتىن بولادى»، - دەدى پرەمەر-مينيستر ورىنباسارى - تاتارستان رەسپۋبليكاسى ونەركاسىپ جانە ساۋدا ءمينيسترى البەرت كاريموۆ.
«ءبىز كورمەدەن جاڭا بايلانىستار، جاڭا كەزدەسۋلەر جانە جاڭا جوبالار كۇتەمىز. ءبىزدى قازاقستانمەن ك پ جىلداردان بەرى ىنتىماقتاستىق جانە كوپتەگەن بىرلەسكەن جوبالار بايلانىستىرادى. سول سەبەپتى قازاقستاندىق دوستارىمىز جانە باۋىرلارىمىزبەن جاسالاتىن بىرلەسكەن جۇمىستاردى كورمەگە كەلەتىن باسقا دا حالىقارالىق دەلەگاتسيالارمەن بىرلەسە جۇزەگە اسىرامىز دەگەن نيەتتەمىن»، - دەدى مينيستر.
ايتا كەتەيىك، 2016-جىلدىڭ 3- قازانىندا «استانا ەكسپو-2017» ۇلتتىق كومپانياسى تاتارستان رەسپۋبليكاسىمەن ىنتىماقتاستىق بايلانىس جايلى مەموراندۋمعا قول قويعان ەدى.
