13:13, 11 - ماۋسىم 2017 | GMT +5
ءبيبىسارا اساۋبايەۆا ف ي د ە- ءنىڭ ەرلەر اراسىنداعى شەبەرى اتاندى
استانا. قازاقپارات - رەسەي اتىنان شىققان قازاقستاندىق شاحماتشى ءبيبىسارا اساۋبايەۆا ف ي د ە- ءنىڭ ەرلەر اراسىنداعى شەبەرى اتاندى.
«مينسكىدە وتكەن ەرلەر اراسىنداعى ەۋروپا چەمپيوناتىندا تاراز قالاسىنان شىققان 13 جاسار ءبيبىسارا اساۋبايەۆا حالىقارالىق دەڭگەيدەگى ەرلەر اراسىنداعى شەبەرلىك نورماسىن ورىنداپ، بىردەن ف ي د ە شەبەرى اتاندى»، - دەپ جازدى «قازكونتەنت» ا ق باسقارماسى ءتوراعاسىنىڭ ورىنباسارى مارات يعالي فەيسبۋكتەگى پاراقشاسىندا.
ءبيبىسارا اساۋبايەۆا تاراز قالاسىنىڭ تۋماسى جانە قازاقستاننىڭ نامىسىن قورعاپ ءتورت مارتە الەم چەمپيوناتىندا جەڭىسكە جەتتى، الايدا از ۋاقىتتان بەرى سپورتشى رەسەي كومانداسىنىڭ اتىنان شىعىپ ءجۇر.
