03:20, 11 - ماۋسىم 2017 | GMT +5
ءۇندىستاندىق دارىگەرلەر ايەلدىڭ قۇلاعىنان ءتىرى ورمەكشىنى شىعارىپ الدى - كەسكىن
استانا. قازاقپارات - ءۇندىستان تۇرعىنى ۇيىقتاپ جاتقان كەزىندە ونىڭ قۇلاعىنا ءتىرى جاندىك كىرىپ كەتكەن.
تۇندە ءۇي اۋلاسىنداعى ۆەراندادا ۇيىقتاپ قالعان لاكشميدىڭ تاڭەرتەڭ باسى اۋىرىپ، وڭ قۇلاعىنان جايسىزدىقتى سەزەدى.
ول قۇلاعىن تازالاۋعا تىرىسىپ باققانىمەن، مۇنىسىنان ەشتەڭە شىقپايدى. سول كەزدە لاكشمي قىزىنان قۇلاعىن قاراپ بەرۋىن وتىنەدى، دەپ جازادى Daily Mail.
اۋرۋ شىداتپاي كەتكەن كەزدە كۇيەۋى لاكشميدى اۋرۋحاناعا الىپ بارادى. ال ناۋقاستىڭ قۇلاعىنان ءتىرى ورمەكشى شىققانىن كورگەن دارىگەرلەر شوشىپ قالادى. جاندىك جارىق تۇسكەن كەزدە قۇلاقتىڭ ىشىنەن وزدىگىنەن شىققان.
دارىگەرلەردىڭ ايتۋىنشا، قۇلاقتا تۇرىپ قالعان كەز كەلگەن زاتتى وڭاي الىپ شىعارۋعا بولادى. الايدا بۇل جولى جاندىكتىڭ ءتىرى بولۋى جاعدايدى قيىنداتۋى مۇمكىن ەدى. قۇلاقتان ءوز ەركىمەن شىققان ورمەكشىنىڭ ارقاسىندا دارىگەرلەر اسا قينالعان جوق.
