16:42, 10 - ماۋسىم 2017 | GMT +5
پرەزيدەنت كۋبوگى: قىزدار اراسىنداعى العاشقى التىن نازىم قىزايبايعا بۇيىردى
استانا. قازاقپارات - بۇگىن استانادا بوكستان ق ر پرەزيدەنتى كۋبوگىنىڭ فينالدىق ايقاستارى ءوتىپ جاتىر، دەپ حابارلايدى قازاقپارات ءتىلشىسى.
فينالدىق ايقاستاردى العاشقى بولىپ شىققان جۇپتار انىقتالدى. 51 كەلى سالماقتا قىزدار اراسىنان نازىم قىزايبايمەن جاينا شەكەربەكوۆا باستادى.
اسا تارتىستى وتكەن باسەكەدە الەمنىڭ ەكى دۇركىن چەمپيونى نازىم قىزايباي قارسىلاسىنان ءبىر ءباس جوعارى ەكەنىن دالەلدەپ، ق ر پرەزيدەنتى كۋبوگىنىڭ العاشقى التىن مەدالىن قانجىعاسىنا بايلادى.
ەستەرىڭىزگە سالا كەتەيىك، ق ر پرەزيدەنتى كۋبوگىنا 13 سالماق دارەجەسى بويىنشا (10 ەرلەر اراسىندا جانە 3 ايەلدەر اراسىندا) وتۋدە. قازىر بوكس كەشى جالعاسۋدا.
اۆتور: كۇنسۇلتان وتارباي
