اۋىر حالدەگى قازاقستاندىقتى ارنايى ۇشاق ۇرىمجىدەن استاناعا جەتكىزدى
بۇل تۋرالى ق ر س ءى م باسپا ءسوز قىزمەتىنىڭ جەتەكشىسى ءانۋار جايناقوۆ فەيسبۋكتەگى پاراقشاسىندا جازدى.
ول دەنساۋلىق ساقتاۋ مينيسترلىگى مەن رەسپۋبليكالىق سانيتارلىق اۆياتسيا ورتالىعىنا شۇعىل كومەگى ءۇشىن العىس ايتتى.
«21 - مامىر كۇنى قىتايعا ىسكەرلىك ساپارمەن بارعان توپ قۇرامىنداعى 1972 -جىلعى قاراعاندىلىق امانقوس ەسىمدى قازاقستان ازاماتى مي ينفاركتىن الىپ، قالا اۋرۋحانالارىنىڭ بىرىنە جەتكىزىلگەن. اۋرۋحانادا ازامات ەس- ءتۇسسىز جاتقان. بۇل تۋرالى اقپارات ۇرىمجىدەگى ق ر سىرتقى ىستەر مينيسترلىگىنىڭ پاسپورتتىق- ۆيزالىق قىزمەتىنە جەتكىزىلدى. قازاقستاندىق كونسۋل قىزمەتكەرلەرى وتانداسىمىزدىڭ تۋىسقاندارىمەن بايلانىسىپ، اۋرۋحانادان قاجەتتى انىقتامالىقتار العىزىپ، قازاقستانداعى قىتاي ەلشىلىگىندەگى ارىپتەستەرىنە قاراعاندىلىقتىڭ ەكى اعاسىنا ۇرىمجىگە جەتۋ ءۇشىن جەدەل ۆيزا راسىمدەلۋىنە ىقپال ەتۋلەرىن ءوتىندى»، - دەپ جازدى ول.
ۆيزا راسىمدەۋگە بىرنەشە ساعات ۋاقىت كەتكەن. ءبىر اپتا ۋاقىت ءوتىپ، امانقوس ەسىن جيعاننان كەيىن ونى قازاقستانعا جەتكىزۋ ماسەلەسى قاراستىرىلدى. الايدا، بىردە- ءبىر اۋە كومپانياسى بورتتا اۋىر حالدەگى جولاۋشىنى الىپ جۇرۋگە كەلىسىم بەرمەدى، ال قىتايلىق دارىگەرلەر ناۋقاستى اۆتوكولىكپەن تاسىمالداۋعا بولمايتىندىعىن ايتتى.
«سوڭىندا ق ر سىرتقى ىستەر مينيسترلىگى دەنساۋلىق ساقتاۋ مينيسترلىگىمەن كەڭەسە كەلە ۇرىمجىگە ارنايى سانيتارلىق اۆياتسيا بورتىن جىبەرۋ تۋرالى شەشىم قابىلدادى. ناتيجەسىندە بۇگىن تاڭەرتەڭ ءۇرىمجى اۋەجايىندا ق ر س ءى م پاسپورتتىق- ۆيزالىق قىزمەتى امانقوستى اعاسى جانە قازاقستاندىق بىلىكتى دارىگەرلەرمەن بىرگە استاناعا شىعارىپ سالدى. رەسپۋبليكالىق سانيتارلىق اۆياتسيا ورتالىعىنىڭ ۇشاعى ساعات 12.30-دا استاناعا قوندى. قاراعاندىلىق ازامات ارى قاراي ەمىن جالعاستىرۋ ءۇشىن №1 قالالىق اۋرۋحانانىڭ جان ساقتاۋ بولىمشەسىنە جەتكىزىلدى. دارىگەرلەر ونىڭ جاعدايىن اۋىر ءارى تۇراقتى دەپ باعالاپ وتىر»، - دەپ جازدى ءانۋار جايناقوۆ.
