ماڭعىستاۋدىڭ ايگىلى جەرلەرى: تاسباقالى شاتقال جانە ازياداعى ەڭ تەرەڭ ويپات - فوتو
دەپ حابارلايدى «قازاقپارات» ح ا ا ءتىلشىسى.
اتىراۋ قالاسىنان 50 شاقىرىم جەردە ورنالاسقان قاراقيا ويپاتى تەڭىز دەڭگەيىنەن 132 مەتر تومەندە ورنالاسقاندىقتان ازياداعى ەڭ تەرەڭ ويپاتتاردىڭ قاتارىنا جاتقىزىلادى. ونىڭ ۇزىندىعى 85 ك م، ەنى 25. ويپاتتىڭ تۇبىندە اعىن سۋى بار شاعىن كولشىك جانە بۇلاق ورنالاسقان. بۇل جەردىڭ سۋى سورتاڭدى. ويپاتتىڭ وڭتۇستىك باتىس جاعىندا سۋالىپ بارا جاتقان باتىر كولى بار.
ساۋرا شاتقالى. بۇل جەردەن عاسىرلار بويى قۋراعان اعاش دىڭگەكتەرىن كورۋگە بولادى، سول سەبەپتى شاتقال تۇبىندە سۋى مول وزەن اققان دەپ سانالادى... شاتقال تەڭىز جاعاسىنا دەيىن جالعاسقان، ونىڭ ەڭ كورىكتى جەرى ءۇش جاعىنان سفەرا ءپىشىندى تىك جارتاستار قورشاپ تۇراتىن ساۋرا كولى. ءبىر جاعىنان ارنا تابيعاتتىڭ جاساعان بيىكتىگى شامامەن 50 مەترلىك توستاعانعا ۇقسايدى. كودە باتپاقتى جەردىڭ تاسباقالارى مەكەندەيدى. ال ءشولدىڭ تاسباقاسى اياق استىندا ءورىپ جۇرەدى.
شەرقالا - اقتاۋ قالاسىنان شامامەن 94 ك م قاشىقتىقتا ورنالاسقان جالعىز تاۋ. ول دا ماڭعىستاۋ وڭىرىندەگى كيەلى جەرلەردىڭ ءبىرى سانالادى. ءبىر جاعىنان تاۋ ۇلكەن اقشاڭقان كيىز ءۇيدى ەلەستەتسە، تاعى ءبىر قىرىنان قاراساڭىز، باسىن اياعىنا قويىپ جاتقان ۇيقىداعى ارىستانعا ۇقسايدى. تاۋدىڭ اتاۋى دا وسى جەردەن شىققان، تۇرىكمەن تىلىنەن اۋدارعاندا ارىستان تاۋ دەگەندى بىلدىرەدى. شەرقالانى اينالىپ ءوتۋ ءۇشىن ءبىر ساعاتتان ارتىق ۋاقىت كەرەك. وندا تاۋ ۇڭگىرلەرى وتە كوپ، ال ۇشار باسىندا اڭىز بويىنشا قاريا مەكەن ەتەدى. جاقىن جەردە تاعى ءبىر تابيعي ەسكەرتكىش - كەڭ القاپتاعى اقمىش بۇلاعى ورنالاسقان. شەرقالا، ساۋرا جانە قاراقيا ويپاتىنا تانىمدىق ەكسكۋرسيالار اياسىندا مەكتەپ وقۋشىلارى ءجيى كەلەدى. بۇل جەرلەر وبلىس ورتالىعىنا جاقىن جەردە ورنالاسقان ەڭ تانىمال تۋريستىك نىساندار.
