ەكسپو- دا تۇركيا قۇرىلىسشىلاردىڭ قىزىعۋشىلىعىن تۋدىراتىن ماتەريالدى تانىستىردى - فوتو
تۇركيا پاۆيلونىنىڭ اشىلۋىنا ارنايى ق ر ينۆەستيتسيالار جانە دامۋ ءمينيسترى جەڭىس قاسىمبەك كەلدى.
«قازاقستان مەن تۇركيا اراسىنداعى دوستىق پەن سەرىكتەستىك، سونداي- اق ءوزارا ءتيىمدى قارىم- قاتىناس ۇزاق جىلداردى قامتيدى. باۋىرلاس تۇرىك حالقى ەلىمىزدىڭ تاۋەلسىزدىگىن قابىل العان ەڭ العاشقى مەملەكەت ەكەنىن ءبىز ەشقاشان دا ۇمىتپايمىز. ەكى ەل قاتىناستارى جوعارى قارقىنمەن نىعايىپ كەلەدى. وسى جىلدار بارىسىندا تۇركيا قازاقستاننىڭ ماڭىزدى ستراتەگيالىق ارىپتەسى بولىپ تابىلدى. 2016 -جىلعى تاۋار اينالىمى كورسەتكىشى 1,5 ميلليارد ا ق ش دوللارىن قۇرادى. بۇگىندە ەلىمىزدە تۇرىك كاپيتالىنىڭ قاتىسۋىمەن 1800 كاسىپورىن ءساتتى جۇمىس ىستەۋدە. ولار قايتا وڭدەۋ ونەركاسىبى، اۋىل شارۋاشىلىعى، قۇرىلىس، مەديتسينا سالالارىن قامتىپ وتىر. ءبىزدىڭ ەلدەر قاتىناسىنىڭ باستى كىلتى ترانزيت جانە كولىك ءدالىزىن كەڭەيتۋ، سونداي- اق لوگيستيكا مەن يندۋستريالىق ينفراقۇرىلىمدى دامىتۋ بولىپ تابىلادى»، - دەپ توقتالدى مينيستر.
وسى ورايدا ج. قاسىمبەك تۇرىك ازاماتتارىنىڭ قازاقستانعا ىسكەرلىك جانە تۋريستىك ماقساتتا كەلۋىن ءاردايىم قۋانا قارسى الاتىندىعىن جەتكىزدى.
«ەكسپو-2017» تاقىرىبى اسا وزەكتى. سوڭعى ون جىلدىقتا بۇكىل الەمدىك قوعامداستىق الدىندا قورشاعان ورتانىڭ لاستانۋى، ەنەرگەتيكالىق رەسۋرستاردىڭ ازايۋى سياقتى وتكىر ماسەلەلەر تۇر. الەمدە ەنەرگەتيكا، ەنەرگيانى ۇنەمدەۋ جانە ەنەرگيانى قايتا جاڭارتۋ سالالارىنا ينۆەستيتسيانى ارتتىرۋ ترەندى قالىپتاسۋدا. بۇل ءوز كەزەگىندە بولاشاق ەنەرگياسىنا نەگىزدەلگەن. وسى مازمۇندا تۇركيا تاراپىنىڭ تاجىريبەسى بىزگە وتە ماڭىزدى»، - دەپ تۇيىندەدى ءسوزىن ۆەدومستۆو باسشىسى.
ءوز كەزەگىندە تۇركيا رەسپۋبليكاسىنىڭ ەكونوميكا ءمينيسترىنىڭ ورىنباسارى، تۇركيا ۇلتتىق سەكسياسىنىڭ كوميسسارى تارىك سونمەز ەكسپو كورمەلەرى حالىقتار اراسىنداعى تاتۋلىققا، دوستىققا، بەيبىتشىلىككە شاقىراتىن ۇلكەن ءىس- شارا ەكەنىن اتاپ ءوتتى. ونىڭ سوزىنە قاراعاندا، تۇركيا 19 - عاسىردان باستاپ بۇگىنگە دەيىن ۇيىمداستىرىلىپ كەلە جاتقان ەكسپو كورمەلەرىنىڭ 34 ىنە قاتىستى. بيىل استانا ەكسپو-2017 حالىقارالىق كورمەسىنە بۇل ەل «تۇراقتى ەنەرگيا» تاقىرىبىن كەلىپ وتىرمىز»، - دەدى ول.
تۇركيا پاۆيلونىمەن تانىسۋ بارىسىندا جەڭىس قاسىمبەكتى وسى ەلدىڭ قولونەر شەبەرلەرىنىڭ تۋىندىلارى قاتتى قىزىقتىردى. شەبەرلەر پاۆيلون ىشىندە كورەرمەندەردى كوركەم سۋرەت، جازۋ ونەرى جانە باسقا باعىتتاردا تاڭعالدىرۋدا. ەكسپو-2017 كورمەسىنە تۇركيا تاراپى جەل ەنەرگەتيكاسىنىڭ جوبالارىن كوپشىلىككە ۇسىنىپ وتىر. سونىمەن قاتار ولار قۇرىلىس سالاسىندا ەنەرگيا ۇنەمدەۋگە مۇمكىندىك بەرەتىن اينەكتەردى تانىستىردى. ياعني بۇل قۇرىلىس ماتەريالىندا ىستىقتى جانە سۋىقتى، سىرتتاعى شۋدى وتكىزبەيتىن ەرەكشەلىگى بار. ۇيىمداستىرۋشىلاردىڭ ايتۋىنشا، بۇل ءونىمدى كوپتەگەن سالادا پايدالانۋعا بولادى.
اۆتور: رۋسلان عابباسوۆ
