ەلباسى يراننىڭ سىرتقى ىستەر مينيسترىمەن كەزدەستى
مەملەكەت باسشىسى كەزدەسۋدە سىرتقى ىستەر مينيسترىنە شاڭحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ كەڭەسىنە جانە «ەكسپو-2017» حالىقارالىق كورمەسىنىڭ اشىلۋىنا قاتىسۋعا كەلگەنى ءۇشىن العىس ايتتى.
نۇرسۇلتان نازاربايەۆ يراندا وتكەن سايلاۋدا قازىرگى پرەزيدەنت ح. رۋحانيدىڭ جەڭىسكە جەتكەنى تۋرالى حاباردى ريزاشىلىقپەن قابىلداعانىن اتاپ ءوتتى.
- مەنى يسلام الەمىندە ورىن الىپ وتىرعان قاراما- قايشىلىقتار قاتتى الاڭداتادى. ءوزارا تۇسىنىستىك پەن سەنىم تەزىرەك ورنايدى دەپ ۇمىتتەنەمىن، - دەدى نۇرسۇلتان نازاربايەۆ.
سىرتقى ىستەر ءمينيسترى قازاقستان پرەزيدەنتىنە قوناقجايلىق كورسەتكەنى ءۇشىن ريزاشىلىعىن ءبىلدىردى.
- ەلدەرىمىز اراسىنداعى قارىم- قاتىناستار جوعارى دەڭگەيدە. ءسىزدىڭ جانە يران پرەزيدەنتىنىڭ ءوزارا ساپارلارىڭىزدىڭ ارقاسىندا ولار قارقىندى دامۋدا، - دەدى م. زاريف. سونداي- اق، م. زاريف قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتادى.
فوتو: اقوردانىڭ باسپا ءسوز قىزمەتى
