ب ۇ ۇ جانىنان ءال- فارابيدى زەرتتەيتىن تۇراقتى ءبولىم اشۋ جوسپارلانىپ وتىر

استانا. قازاقپارات - جاھاندىق ماسەلەلەردىڭ ۋشىعۋى قازىرگى الەم دامۋىنىڭ ايقىن سيپاتى بولىپ تابىلادى. ەكسترەميزم مەن لاڭكەستىكتىڭ قارقىندى تارالۋى، ەتنوساياسي شيەلەنىستەر، ەكونوميكالىق داعدارىس پەن قورشاعان ورتانىڭ لاستانۋى الەمنىڭ تۇراقتى دامۋى مەن وركەنيەتتى ساقتاۋعا كەرى اسەر ەتىپ وتىرعانى شىندىق.

ەل پرەزيدەنتى ن. نازاربايەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىندا جاڭا جاھاندىق كەزەڭ جايلى ءسوز ەتە كەلە، «قوعامدىق سانا جاڭعىرۋدىڭ نەگىزگى قاعيدالارىن قالىپتاستىرۋدى عانا ەمەس، سونىمەن بىرگە، ءبىزدىڭ زامان سىناعىنا لايىقتى توتەپ بەرۋىمىزگە قاجەتتى ناقتى جوبالاردى جۇزەگە اسىرۋىمىزدى دا تالاپ ەتەدى» دەپ ەسكەرتتى.

وسى ماڭىزدى ىستە اكادەميالىق ورتا مەن ۋنيۆەرسيتەتتەردىڭ اتقارار ءرولى زور. قىركۇيەك ايىندا نيۋ- يوركتە (ا ق ش) ب ۇ ۇ باس اسسامبلەياسىنىڭ وتىرىسى قارساڭىندا ب ۇ ۇ وركەنيەتتەر ءاليانسى مەن ءال- فارابي اتىنداعى قازۇۋ «ءال- فارابي - وركەنيەت فيلوسوفى» ارنايى سەكسياسىن اشادى. بۇل تۋرالى جۋىردا ب ۇ ۇ وركەنيەتتەر ءاليانسىنىڭ جوعارعى وكىلى ناسير ابدۋلازيز ءال- ناسەردىڭ ءال- فارابي اتىنداعى قازۇۋ- عا ساپارى بارىسىندا كەلىسىلدى.

 باستاماعا ءال- فارابيدىڭ «... ادامدار مەن حالىقتاردىڭ بىرىگۋى جانە ءوزارا كومەگى ارقىلى عانا باقىتقا جەتۋگە بولادى» دەگەن باستى يدەياسى نەگىز بولعان. حالىقارالىق جوعارى دەڭگەيدەگى كەزدەسۋ شىعىستىڭ ۇلى ويشىلى ءابۋ ناسىر ءال- فارابيدىڭ فيلوسوفيالىق يدەيالارىنا جانە ولاردىڭ وركەنيەتتىڭ دامۋىنا تيگىزەتىن ىقپالىنا ارنالادى.

 بۇگىنگى تاڭدا ونىڭ دۇنيەتانىمى مەن يدەيالارى اسا وزەكتى جانە بۇكىل ادامزاتقا جاھاندىق رۋحاني داعدارىستى جەڭۋگە جانە زاماناۋي ىزگىلىكتى قوعام قۇرۋعا كومەكتەسە الادى. شارا بارىسىندا ءال- فارابي ەڭبەكتەرىندەگى بەيبىتشىلىك، قايىرىمدىلىق پەن ادالدىق يدەيالارىن جاستار اراسىندا كەڭىنەن تاراتۋ مەن تانىتۋ ءۇشىن ۋنيۆەرسيتەتتەردى بىرىكتىرۋدى ماقسات ەتكەن «ىزگىلىكتى قوعام ازاماتتارىن قالىپتاستىرۋ» حالىقارالىق بىرەگەي جوباسىنىڭ تۇساۋى كەسىلەدى. شىعىس پەن باتىس فيلوسوفياسىن بايلانىستىرۋشى ءال- فارابي مۇرالارىنىڭ تەرەڭ زەرتتەلۋى مەن ناسيحاتتالۋى - اكادەميالىق ورتانى جاھاندىق ماسەلەلەردى شەشۋ جولدارىن ىزدەستىرۋ ماقساتىنا بىرىكتىرۋگە مۇمكىندىك بەرەدى.

سوندىقتان دا ب ۇ ۇ وركەنيەتتەر ءاليانسى جانىنان ءال- فارابيدى زەرتتەۋ بويىنشا تۇراقتى ءبولىم اشۋ جوسپارلانۋدا. قازىر مۇنداي ءال- فارابي عىلىمي ورتالىقتارى ىستانبۇل جانە يوردان ۋنيۆەرسيتەتتەرىندە تابىستى جۇمىس ىستەۋدە. ب ۇ ۇ وركەنيەتتەر ءاليانسى مەن قازۇۋ ءوزارا ىنتىماقتاستىق تۋرالى مەموراندۋمعا قول قويىپ، يۋنەسكو قولداۋىمەن 2020 -جىلدى - ءال- فارابي جىلى دەپ جاريالاۋ جانە الەمدىك دەڭگەيدەگى ۇلى ويشىلدىڭ 1150 جىلدىق مەرەيتويى قۇرمەتىنە شارالار وتكىزۋ تۋرالى باستامانى ۇسىندى.