10:40, 09 - ماۋسىم 2017 | GMT +5
جاپونيا پارلامەنتى يمپەراتوردان باس تارتۋ تۋرالى زاڭدى قابىلدادى
استانا. قازاقپارات - جاپون پارلامەنتى جۇمادا 83 جاستاعى يمپەراتور اكيحيتو تاعىنان باس تارتۋعا مۇمكىندىك بەرەتىن زاڭ قابىلدادى، دەپ حابارلادى Kyodo News.
ءۇش جىل ىشىندە اكيحيتو باسقارۋ بيلىگىن ءوزىنىڭ مۇراگەرى حانزادا نارۋحيتوعا بەرە الادى. بۇل 2019 -جىلدىڭ باسىندا بولادى دەپ كۇتىلۋدە. پارلامەنت يمپەراتورلىق ءۇي تۋرالى زاڭدى وزگەرتكەن جوق جانە قازىرگى مەملەكەت باسشىسىنا قاتىستى قۇجاتتى عانا قابىلدادى. وسى كۇنگە دەيىن جاپونيادا مونارحتىڭ تاعىنان باس تارتۋىنا مۇمكىندىك بولماعان. الايدا وتكەن جىلى اكيحيتو حالىق الدىندا ءوزىنىڭ ەگدە جاسىنا جانە دەنساۋلىق جاعدايىنا بايلانىستى تاعىنان باس تارتقىسى كەلەتىنىن ايتقان بولاتىن. تاعىنان باس تارتۋ وقيعاسى جاپونيا ءۇشىن ەكى ءجۇز جىل ىشىندەگى العاشقىسى. سوڭعى رەت 1871 -جىلى بولعان.
