بىرىككەن ۇلتتار ۇيىمىنىڭ باس حاتشىسى استاناعا كەلدى

استانا. قازاقپارات -  كەشە انتونيۋ گۋتەرريشتىڭ ۇشاعى ەلوردا اۋەجايىنا كەلىپ قوندى. لاۋازىمدى تۇلعا ش ى ۇ سامميتىنە قاتىسادى دەپ جوسپارلانىپ وتىر. ول - تۇسىنىكتى جايت. سەبەبى شاڭحاي ىنتىماقتاستىق ۇيىمى مەن ب ۇ ۇ اراسىندا ارىپتەستىك تۋرالى كەلىسىم بار.

بىلتىر گۋتەرريش قازاقستان رەسپۋبليكاسىنا كەلىپ، ەلباسى نۇرسۇلتان نازاربايەۆپەن كەزدەسكەن بولاتىن. پرەزيدەنت ءبىزدىڭ ەل ب ۇ ۇ- نىڭ بارلىق باستامالارىن تولىققاندى قولدايتىندىعىن العا تارتتى. سونداي- اق ەلباسى 2015 -جىلى باس اسسەمبلەياسىنىڭ 70-سەسسياسىندا ءسوز سويلەگەن بولاتىن.

ەستەرىڭىزگە سالايىق، قازاقستان ب ۇ ۇ- نىڭ مۇشەسى بولىپ 1992 -جىلى اتاندى. 25 جىل ىشىندە قوس تاراپ اراسىندا تىعىز بايلانىس ورناپ، ىنتىماقتاستىعىمىز جارادى دەپ ايتۋعا تولىق نەگىز بار. وسى ۋاقىت ارالىعىندا ۇيىم ءبىزدىڭ ەلدە جۇزەگە اسقان ءبىرقاتار ماكروەكونوميكالىق رەفورماعا ءوز قولداۋىن كورسەتتى. دەنساۋلىق ساقتاۋ جانە قورشاعان ورتانى قورعاۋ سالالارىندا دا بىرنەشە جوبانى بىرلەسىپ جۇزە اسىردى. ايتا كەتەيىك، قازىر ەلىمىزدە بەدەلدى ۇيىمنىڭ 15 وكىلدىگى بار.

www.24.kz