استانا مەن بۋداپەشت اراسىنا قاتىنايتىن جاڭا اۋە بايلانىسى ىسكە قوسىلدى
«AIRBUS» اۋە كومپانياسىنىڭ ا320 اۋە كەمەسى اپتاسىنا ەكى رەت، بەيسەنبى جانە جەكسەنبى كۇنى اۋە رەيسىن ورىندايدى.
العاشقى رەيسپەن ۆەنگەر رەسپۋبليكاسىنىڭ ۇلتتىق ەكونوميكا ءمينيسترى ميحاي ۆارگا باستاعان دەلەگاتسيا ۇشىپ كەلەدى.
مامانداندىرىلعان حالىقارالىق ەكسپو-2017 كورمەسى قارساڭىندا اشىلىپ وتىرعان جاڭا باعىت ايتۋلى وقيعا بولىپ وتىر. بۇل قازاقستان مەن ۆەنگريا اراسىنداعى ديپلوماتيالىق جانە ىسكەرلىك قارىم-قاتىناستاردى، حالىقارالىق ىنتىماقتاستىقتى نىعايتۋعا ىقپال ەتەتىن بولادى. وتكەن جىلدىڭ 24- قاراشاسىنداعى اۆياتسيالىق بيلىكتىڭ كەلىسسوزدەرىنىڭ قورىتىندىسىندا استانا - بۋداپەشت باعىتى بويىنشا ەكى ەل ءۇشىن اپتاسىنا 7 رەيس جاساۋ قۇقىعى بەرىلەدى.
«WizzAir» اۋە كومپانياسىنىڭ اقپاراتى بويىنشا، استانادان بۋداپەشتكە دەيىنگى ەڭ تومەنگى بيلەت قۇنى تەك ءبىر جاققا تىركەۋ قىزمەتى مەن جۇكتى قوسقاندا 49 دان 130 ەۋروعا دەيىنگى سومانى قۇرايدى.
بۇدان بولەك، لوۋكوستەرمەن اۋە تاسىمالى ەرەجەسى بويىنشا باسقا دا قىزمەتتەر ءۇشىن قوسىمشا اقى تولەۋ قاراستىرىلعان (تىركەۋ، جۇك، تاماقتانۋ، ورىندى تەگىن تاڭداۋ جانە ت. ب.).
