قازاقستان پرەزيدەنتى ءۇندىستاننىڭ پرەمەر-مينيسترىمەن كەزدەستى
- ءۇندىستاننىڭ شانحاي ىنتىماقتاستىق ۇيىمىنا مۇشە بولۋ پروتسەسى وسىدان 12 جىل بۇرىن باستالدى. ەرتەڭ ءۇندىستان وسى ۇيىمنىڭ تولىق قۇقىلى مۇشەسى بولادى. ءۇندىستان سياقتى مىقتى ەلدىڭ قاتارىمىزعا قوسىلۋى بىرلەسە شەشەتىن ماسەلەلەر اياسىن كەڭەيتۋگە مۇمكىندىك بەرەدى، - دەدى نۇرسۇلتان نازاربايەۆ.
مەملەكەت باسشىسى قازاقستان مەن ءۇندىستان ەكونوميكانىڭ ءتۇرلى سالاسىندا ءوزارا ءىس-قيمىل جاساۋدىڭ جۇزەگە اسپاعان وراسان زور الەۋەتىنە يە ەكەنىن اتاپ ءوتتى.
ءۇندىستاننىڭ پرەمەر-ءمينيسترى قوناقجايلىق كورسەتكەنى ءۇشىن نۇرسۇلتان نازاربايەۆقا ريزاشىلىعىن ءبىلدىردى.
-2015-جىلى قازاقستانعا العاش رەت كەلگەنىمدە ءسىزدىڭ استانانى دامىتۋ جونىندەگى كوزقاراسىڭىزدان، قازاقستاننىڭ جالپى ەكونوميكالىق پروگرەسىنەن ەرەكشە اسەر الدىم، - دەدى نارەندرا مودي.
كەزدەسۋ سوڭىندا تاراپتار ءوزارا ءىس-قيمىلدىڭ وزەكتى ماسەلەلەرى جونىندە پىكىر الماستى.
