رەسپۋبليكالىق «التىن ساقا» تۋرنيرى: ەلوردالىق كوماندا ءبىرىنشى ورىندى يەلەندى

استانا. قازاقپارات - استانادا اسىق اتۋدان «التىن ساقا» رەسپۋبليكالىق تۋرنيرى ءوتتى.

وندا «استانا» كومانداسى قارسىلاستارىن شاڭ قاپتىرىپ، ءبىرىنشى ورىندى يەلەندى، دەپ حابارلايدى قالالىق اكىمدىكتىڭ باسپا ءسوز قىزمەتى.

تۋرنيرگە 5-8- سىنىپ وقۋشىلارىنان قۇرالعان 6 ءوڭىردىڭ: استانا، قاراعاندى، جامبىل، اقمولا، ماڭعىستاۋ وبلىستارىنان كەلگەن 9 كوماندا قاتىستى. ۇلتتىق ويىن جارىسىندا 45 سپورتشى مەرگەندىكتەرى مەن ەپتىلىكتەرىن كورسەتتى.

ەلوردالىق 9 سپورتشى، ونىڭ بەسەۋى «جىگەر» سپورت كلۋبى اتىنان قاتىستى. قىزدار اراسىندا «جىگەر» سپورت كلۋبىنىڭ تاربيەلەنۋشىلەرى قۋانوۆا ارۋجان مەن دانياروۆا كاميلا تۋرنير چەمپيونى اتاندى.

جالپى كوماندالىق ەسەپ بويىنشا «استانا» كومانداسى العا شىعىپ، ءبىرىنشى ورىندى يەلەندى. ەكىنشى ورىن - ماڭعىستاۋ وبلىسىنىڭ كومانداسىنا بۇيىرسا، اقمولا وبلىسىنىڭ سپورتشىلارى قولا جۇلدەنى قاناعات تۇتتى.