قازاقستاندىق تايەكۆوندوشى كادەتتەر اراسىندا ازيا چەمپيونى اتاندى-فوتو

ورال. قازاقپارات - ۆەتنامنىڭ حوشيمين قالاسىندا تايەكۆوندودان (WTF) ءوتىپ جاتقان كادەتتەر اراسىنداعى ازيا چەمپيوناتىندا باتىس قازاقستاندىق ليانا كۋشكەيەۆا جەڭىمپاز اتاندى، دەپ حابارلايدى «قازاقپارات» ءتىلشىسى.

ونىڭ جاتتىقتىرۋشىسى ارسلان وردابايەۆتىڭ ايتۋىنشا، 2003 -جىلعى ليانا 51 ك گ سالماقتا ءۇش كەزدەسۋ وتكىزىپ، بارىندە دە جەڭىسكە جەتتى. فينالدا يراندىق سپورتشىنى 15:14 ەسەبىمەن تىزە بۇكتىردى.

ءبورلى اۋدانى اقساي قالاسىندا دۇنيەگە كەلگەن ل. كۋشكەيەۆا قازىرگى كەزدە ورالداعى سپورتقا دارىندى بالالارعا ارنالعان مامانداندىرىلعان وبلىستىق مەكتەپ- ينتەرناتىندا وقىپ، جاتتىعادى. اتا- اناسى قىزىنىڭ تايەكۆوندومەن دەندەپ شۇعىلدانۋى ءۇشىن ورالعا كوشىپ كەلگەن، پاتەر جالداپ تۇرادى.

ەسكە سالا كەتەيىك، بيىل ورال قالاسىندا وليمپيادالىق ويىن تۇرىنە جاتاتىن تايەكۆوندودان (WTF) كادەتتەر اراسىنداعى ەل بىرىنشىلىگىندە توپ جارعان ليانا ودان كەيىن ماسكەۋدە «پاتريوت 2017» بۇكىل رەسەيلىك تۋرنيرىندە قولا جۇلدەگەر اتانعان بولاتىن.

اۆتور: ەلجان ەرالى