چىڭ لۇڭ قازاقتىڭ «قولىندا ميكرافونى جوق ناعىز ءانشىسىن» اتادى

استانا. قازاقپارات - كەشە استاناعا ارنايى ات باسىن بۇرعان دجەكي چان قازاقتىڭ ناعىز ءانشىسىن اتادى.

وپەرا ءانشىسى مايرا مۇحامەد قىزىن ناعىز انشىگە تەڭەپ، سۋرەتكە تۇسۋگە ءوزى نيەت ءبىلدىرىپتى.

 بۇل جاعدايدى مايرا مۇحامەد قىزى جەلىدەگى پاراقشاسىنا جازدى.

«جۇلدىزدى كۇن! جۇرتتار دجاكي چان مەن فوتوعا تۇسە الماي ەستەرى شىعىپ تۇرعاندا، ءبىر قىتاي ازاماتى كەلىپ قۇلاعىما سىبىرلاپ: «چان اعاسى سىزبەن فوتوعا تۇسسەم دەپ ۇسىنىس جاساپ جاتىر» - دەمەسى بار ما؟ «مەنىمەن؟» دەپ اۋزىم اشىلىپ قالدى. سودان تۇستىك. ونىڭ: «بۇگىن قولىندا ميكرافونى جوق ناعىز ءانشى ءسىز بولدىڭىز! سول ءۇشىن ءسىزدى قاتتى سىيلايمىن» - دەگەنىن ەستىگەندە قۇلاعىم، جۇرەگىم ناعىز بالزاممەن سۋسىنداعانداي بولدى» - دەپ جازعان.

مايرا مۇحامەد قىزى - 1965 - جىلدىڭ 5 - قىركۇيەگىندە قىتايدىڭ قۇلجا قالاسىندا دۇنيەگە كەلگەن. قازاقتىڭ اتاقتى وپەرا ءانشىسى (سوپرانو)، قازاقستان رەسپۋبليكاسىنىڭ ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى. پاريجدەگى «گراند وپەرادا» قازاقستاننىڭ اتىنان ونەر كورسەتكەن تۇڭعىش ءارى ازىرگە جالعىز وپەرا ءانشىسى.