استانادا قازاقستان- قىتاي ىسكەرلىك كەڭەسىنىڭ وتىرىسى باستالدى
شارانىڭ ۇيىمداستىرۋشىلارى - «سامۇرىق- قازىنا» ا ق، ق ح ر حالىقارالىق ساۋداعا جاردەمدەسۋ كوميتەتى جانە «CITIC Group» كورپوراتسياسى.
«قىتاي قازاقستاننىڭ ستراتەگيالىق ارىپتەسى بولىپ تابىلادى. 2016 -جىلى ەكى ەلدىڭ ساۋدا اينالىمى 8 ميلليارد دوللاردى قۇرادى. قىتاي قازاقستان ەكونوميكاسىنىڭ ەڭ ءىرى 5 ينۆەستورلارىنىڭ ءبىرى. سوڭعى 12 جىلدا قىتاي قازاقستانعا 14 ميلليارد ا ق ش دوللارىنان استام ينۆەستيتسيا قۇيدى. «نۇرلى جول» مەن «جىبەك جولى» باعدارلامالارى ىقپالداستىقتىڭ، ارىپتەستىكتىڭ جاڭا جولدارىن اشىپ وتىر»، - دەدى ق ر ينۆەستيتسيالار جانە دامۋ ءمينيسترى جەڭىس قاسىمبەك كەڭەس وتىرىسىنىڭ اشىلۋىندا.
كەڭەس وتىرىسىنا ەكى ەلدىڭ 500-گە جۋىق مەملەكەتتىك ورگاندارىنىڭ وكىلدەرى، ءىرى كومپانيالار مەن قارجى ينستيتۋتتارى قاتىسۋدا. قازاقستان- قىتاي ىسكەرلىك كەڭەسىنىڭ قاتىسۋشىلارى «قازاقستان- قىتاي ينۆەستيتسيالىق ىنتىماقتاستىعى»، «اۋىل شارۋاشىلىعىنداعى وڭدەۋ جانە ەكسپورت: جاڭا مۇمكىندىكتەر اشۋ»، «شاعىن جانە ورتا بيزنەس ىنتىماقتاستىعى» دەگەن تاقىرىپپەن وتەتىن ءۇش پانەلدىك سەسسيا اياسىندا بىرلەسكەن جوبالاردى ىسكە اسىرۋ مۇمكىندىكتەرىن تالقىلايدى.
سونداي- اق قازاقستان مەن قىتايدىڭ ىسكەرلىك توپتارىنىڭ وكىلدەرى اراسىندا В2В فورماتىندا ەكىجاقتى كەزدەسۋلەر وتەدى دەپ جوسپارلانعان. كەڭەس وتىرىسىنىڭ قورىتىندىسى بويىنشا جالپى 7 ميلليارد ا ق ش دوللارىنا جۋىق سومادا ەنەرگەتيكا، حيميا ونەركاسىبى، مەتاللۋرگيا سالالارىندا بارلىعى 22 كوممەرتسيالىق جانە نەگىزدەمەلىك كەلىسىمدەرگە، ونىڭ ىشىندە «سامۇرىق- قازىنا» ا ق توبىنىڭ قاتىسۋىمەن جالپى 4,5 ميلليارد ا ق ش دوللار سوماسىندا 6 كەلىسىمگە قول قويىلماق. اتاپ ايتقاندا، «بىرلەسكەن حيميالىق كومپانيا» ج ش س مەن قىتايدىڭ مەملەكەتتىك دامۋ بانكى اراسىندا اتىراۋ وبلىسىندا «ۇلتتىق يندۋستريالىق مۇناي-حيميا تەحنوپاركى» ا ە ا اۋماعىندا مەتانول مەن اممياك ءوندىرۋ، سونداي- اق جامبىل وبلىسىندا «تاراز حيميالىق پاركى» ا ە ا اۋماعىندا كۇيدىرگىش سودا ءوندىرىسىن ىسكە قوسۋ بويىنشا ينۆەستيتسيالىق جوبالاردى جۇزەگە اسىرۋ تۋرالى كەلىسىمشارتتارعا قول جەتكىزىلدى.
اتالعان جوبا قازاقستاندا العاشقى اگروحيميالىق كلاستەردى دامىتۋ اياسىندا جۇزەگە اسىرىلۋدا. قىتايدىڭ بيزنەس قاۋىمداستىعى «سامۇرىق- قازىنا» ا ق كومپانيالار توبىنىڭ ستراتەگيالىق ينۆەستورى بولىپ تابىلادى. ق ح ر ەكسيم بانكى حوش ءيىستى كومىرسۋتەكتى ءوندىرۋ كەشەنى، اتىراۋ مءو ز- دەگى مۇنايدى تەرەڭ وڭدەۋ كەشەنى قۇرىلىسىن نەسيەلەيدى، قىتايدىڭ مەملەكەتتىك دامۋ بانكى گاز-حيميا كەشەنىنىڭ قۇرىلىسىن قارجىلاندىرادى. سونىمەن قاتار «سامۇرىق- قازىنا» ا ق كومپانيالار توبى مەن قىتايدىڭ مەملەكەتتىك دامۋ بانكى قاتىسۋىمەن 2 ميلليارد ا ق ش دوللارىنان استام قارجىلاندىرۋ كولەمىمەن حيميا سالاسىندا ءبىرقاتار ءىرى جوبالاردى ىسكە اسىرادى.
اۆتور: جاسۇلان جولدىبايەۆ
