تۇرىكمەنستاندا ەگىن ورۋ باستالدى

استانا. قازاقپارات - تۇركىمەنستاندا استىق جيناۋ ناۋقانى باستالدى. وراق ماۋسىمىنا احال، بالكان، لەباپ جانە مارىي ءۋالاياتتارى كىرىستى، 14 - ماۋسىمدا ولارعا داشوگۋز ءۋالاياتى ۆەلاياتى قوسىلادى، دەپ حابارلايدى ت د ح اگەنتتىگى.

بيىل تۇرىكمەندىك ديقانشىلار الدىندا كۇزدىك داقىلعا بولىنگەن 760 مىڭ گەكتاردان 1 ميلليون 600 مىڭ توننا استىق جيناۋ مىندەتى تۇر. القاپتاردىڭ كوپ بولىگىنە جوعارى ءونىم بەرەتىن بيداي سۇرىپتارى ەگىلگەن. تۇتاستاي ەلدە 2017 -جىلعى ناۋقانعا ءبىر جارىم مىڭداي استىق جينايتىن كومباين تارتىلدى. بيداي 161 قابىلداۋ پۋنكتىنە - ەليەۆاتور مەن قويمالارعا جەتكىزىلەدى. تاسىمالداۋدى 9 مىڭعا جۋىق جۇك كولىگى قامتاماسىز ەتەتىن بولادى.