امەريكالىق عالىمدار ەڭ ىستىق ەكزوعالامشاردى انىقتادى

استانا. قازاقپارات - امەريكا استرونومدارى تانىمال ەكزوعالامشارلاردىڭ ەڭ ىستىعىن انىقتادى. بۇل تۋرالى 24.kz حابارلادى.

تەمپەراتۋراسى 4600 گرادۋس KELT-9b گاز عالامشارى وزگە جۇلدىزداردىڭ ىشىندەگى ەڭ ىستىعى بولىپ شىقتى. الايدا ول اينالىپ وتەتىن ا سىنىبىنداعى جۇلدىز ودان دا ىستىق بولعاندىقتان، عالامشاردا ۇنەمى بۋلانۋ پروتسەسى جۇرەدى.

 «بۇل - تابىلعان الىپ عالامشارلاردىڭ ەڭ ىستىعى»، - دەيدى عىلىمي جاڭالىقتىڭ اۆتورى سكوتت گاۋدي. KELT-9b يۋپيتەردەن 2,8 ەسە اۋىر، ال قالىڭدىعى ودان 2 ەسە جۇقا. عالامشار جۇلدىزعا وتە جاقىن ورنالاسقاندىقتان ءارى ونىڭ ىستىعىنىڭ ۇدەۋى سالدارىنان جۇلدىزعا تەك ءبىر جاعىمەن عانا قارايدى. جۇلدىزدان بولىنەتىن ىستىقتىڭ قاتتى اسەرىنەن عالامشار اتموسفەراسى ءارقاشان قورشاعان كەڭىستىكتە بۋلانىپ وتىرادى.

عالىمداردىڭ ايتۋىنشا، بۋلانۋ جىلدامدىعى سەكۋندىنا 10 ميلليارد توننانى قۇرايدى.