جورابايەۆا تەز تانىلعان ديماشتى تانىلماي جاتىپ جارناماعا ءزارۋ بولعان وزىمەن سالىستىردى
وسى ورايدا، ول ديماشتىڭ باسىندا بولىپ جاتقان جاعدايدى مىسالعا كەلتىرىپ، الەۋمەتتىك جەلىلەردىڭ پايدالى تۇستارىن اتاپ ءوتتى.
بۇل تۋرالى 31- ارنانىڭ «ايتا بەرسىن» باعدارلاماسىندا ايتىلدى.
«مەنىڭ ءوزىم 6 حالىقارالىق بايقاۋعا قاتىستىم. سونىڭ وزىندە «جۋرناليستەرگە «ءبىز وسىنداي بايقاۋعا بارىپ كەلگەن ەدىك. بىزدەن سۇحبات الىڭىزدارشى. ءبىر رەت گازەتكە شىعايىقشى» دەپ ءجۇرىپ ارەڭ تانىلاتىنبىز. ادەتتە ەفيرگە ءبىر شىعادى. مۇنى بىرەن-ساران ادام عانا كورەدى. ال قازىر ينستاگرام، فەيسبۋك جەلىلەرىنىڭ ارقاسىندا جارناما كوپ بولىپ جاتىر. مارجان اراپبايەۆا، ماقپال ءجۇنىسوۆا، ناعيما ەسقاليەۆا، مەدەۋ ارىنبايەۆ سىندى انشىلەرىمىز - سول بايقاۋدىڭ بارلىعىنا بارىپ كەلگەن ازاماتتار.
ديماشتىڭ قازىر باعى جانىپ تۇر. ونىڭ باسىندا بولىپ جاتقان وقيعالار، ءتىپتى، شەتەلدىك جۇلدىزداردىڭ باسىندا بولماعان. بۇكىل ونەر ادامدارى، تەاتر اكتەرلەرى، مەن دەپ الەمدى باعىندىرىپ جۇرگەن انشىلەردىڭ ءوزى ديماشتىڭ تالانتىنا تاڭقالىپ، ءارقايسىسى پىكىر جازىپ جاتقانىن وقىپ، كوزىمە جاس كەلدى. ويتكەنى، ونىڭ سول بايقاۋعا قاتىسىپ تۇرعانداعى كوڭىل-كۇيى، تولعانىسى باسىمنان وتكەن سوڭ، دەنەم تىتىركەنىپ، تاقىمىمدى قىسىپ وتىردىم»، - دەيدى التىناي جورابايەۆا.
