21:30, 07 - ماۋسىم 2017 | GMT +5
گولوۆكين ءوز اتىنداعى سپورت كەشەنىنىڭ اشىلۋ سالتاناتىنا قاتىستى - فوتو، كەسكىن
استانا. قازاقپارات - گەننادي گولوۆكين قاراعاندىداعى ءوز اتىنداعى سپورت كەشەنىنىڭ اشىلۋ سالتاناتىنا قاتىستى.
بۇل تۋرالى قازاقستان ۇلتتىق وليمپيادا كوميتەتىنىڭ باسپا ءسوز حاتشىسى جانار وتەشەۆا ينستاگرام جەلىسىندە جازدى، دەپ حابارلايدى قازاقپارات ءتىلشىسى.
بۇگىن مايقۇدىقتا وبلىس اكىمدىگى اتاقتى جەرلەسىمىزدىڭ اتى بەرىلگەن سپورت كەشەنىنىڭ سالتاناتتى اشىلۋ ءراسىمىن وتكىزدى.
«جاڭا ءۇش قاباتتى عيماراتتا باسسەين، مامانداندىرىلعان اۋىر اتلەتيكا زالى، مىنبەلەرى بار امبەباپ سپورت ويىن زالى جانە مامانداندىرىلعان بوكس زالى بار»، - دەپ جازىپ، اشىلۋ راسىمىنەن ۆيدەو جۇكتەدى ول.
اۆتور: كۇنسۇلتان وتارباي
The champ came home 🙌🏻
