قازاقستان مەن قىتاي جەر قويناۋىن پايدالانۋ كەلىسىم-شارتىن ۇزارتتى
كەزدەسۋ بارىسىندا تاراپتار مۇناي-گاز سالاسىنداعى جەمىستى ىنتىماقتاستىقتاعى مول تاجىريبە جونىندە اتاپ ءوتتى. 20 جىل بويىنا قىتاي مەن قازاقستان تاراپى مينەرالدى رەسۋرستاردى بارلاۋ مەن وندىرۋدە، مۇناي قۇبىرلارى مەن گاز قۇبىرلارىن سالۋدا، سونداي-اق مۇناي وڭدەۋ زاۋىتتارىن جاڭعىرتۋ، رەكونسترۋكتسيالاۋ مەن باسقارۋدا تەحنيكالىق مۇمكىندىكتەر مەن مول تاجىريبە جيناقتادى.
تاراپتار ۇلەستەرى بار كەن ورىندارىندا ءوزارا ءتيىمدى قاتىناستاردى ودان ءارى دامىتۋ ءۇشىن ءوندىرىس تيىمدىلىگىن ارتتىرۋ ماقساتىندا كورسەتىلگەن كەلىسىمشارتتار شەڭبەرىندەگى ىنتىماقتاستىقتى جالعاستىرۋعا نيەت ءبىلدىردى. بوزىمبايەۆ جانە يلين جەر قويناۋىن پايدالانۋعا ارنالعان كەلىسىم-شارتتاردىڭ مەرزىمىن ۇزارتۋ تۋرالى 3 جىل قولدانىستا بولاتىن مەموراندۋمعا قول قويدى. مەموراندۋمعا سايكەس تاراپتار جاڭاجول گاز وڭدەۋ زاۋىتىنداعى گاز وڭدەۋ تاريفتەرىن كەلىسۋ «اقتوبە مۇناي گاز- س ن پ س» ا ق مەن «قاز مۇناي گاز» ۇ ك ا ق اراسىنداعى جەكەلەگەن كەلىسسوزدەر شەڭبەرىندە شەشىلەتىندىگى جونىندە كەلىستى.
تاراپتار قازاقستان تاراپىنا گاز-حيميا جوباسىن ىسكە اسىرۋ پەرسپەكتيۆتى بولىپ تابىلاتىندىعىن راستادى جانە ق ۇ م ك وسىنداي جوبانى ىسكە اسىرۋ جونىندە ۇسىنىس بەرەتىندىگى جونىندە كەلىستى.
مەموراندۋمعا سايكەس قازاقستان رەسپۋبليكاسى ەڭبەك كودەكسىنىڭ تالاپتارىن جانە جەر قويناۋىن پايدالانۋشىلار مەن مەردىگەر جانە قوسالقى مەردىگەر كومپانيالار جۇمىسكەرلەرى سياقتى قازاقستاندىق پەرسونال ءۇشىن جۇمىلدىرىلعان شەتەلدىك پەرسونالعا قاتىستى تەڭ ەڭبەكاقى شارتتارى ساقتالادى.
مەموراندۋمدا وڭىرلەردى دامىتۋعا الەۋمەتتىك جانە وزگە اۋدارىمدار دەڭگەيى، سونداي-اق جەرگىلىكتى تۇرعىندار ءۇشىن قوسىمشا جۇمىس ورىندارىن جاساۋ بويىنشا مىندەتتەمەلەردى كوبەيتۋ قاراستىرىلعان.
