تاعى ءبىر بوكسشىمىز پرەزيدەنت كۋبوگىنىڭ جارتىلاي فينالىنا شىقتى

استانا. قازاقپارات - استانادا بوكستان ءوتىپ جاتقان حالىقارالىق پرەزيدەنت كۋبوگى تۋرنيرىندە تاعى ءبىر وتانداسىمىز جارتىلاي فينالعا شىقتى، دەپ حابارلايدى قازاقپارات ءتىلشىسى.

بۇگىن جاس تالانتىمىز 69 كەلى سالماقتاعى سادريددين احمەدوۆ شارشى الاڭدا فيليپپيندىك باحو جوەلدى جارىس جولىنان تايدىردى.

احمەدوۆ قارسىلاسىن ءبىرىنشى راۋندتا ءبىر رەت نوكداۋنعا ءتۇسىرىپ الدى. وسىدان كەيىن ءوزىن شارشى الاڭ قوجايىنى رەتىندە ەركىن ۇستاپ، ايقىن باسىمدىلىققا يە بولدى.

ەستەرىڭىزگە سالا كەتەيىك، وسىعان دەيىن ۆاسيلي لەۆيت (91 كەلى) جانە ءابىلحان امانقۇل (75 كەلى) پرەزيدەنت كۋبوگى تۋرنيرىنىڭ جارتىلاي فينالىنا شىققان ەدى. سونداي-اق، قىزدار اراسىندا نازىم قىزايباي مەن جاينا شەكەربەكوۆا (51 كەل) تۋرنيردىڭ جارتىلاي فينالىنا ءوتتى.

ەستەرىڭىزگە سالا كەتەيىك، بۇگىن پرەزيدەنت كۋبوگى تۋرنيرىنىڭ ءوتىپ جاتقانىنا ءۇشىنشى كۇن. تۋرنير 13 سالماق بويىنشا (10 ەرلەر، 3 قىزدار) وتۋدە.

جارىسقا قازاق سپورتشىلارىنان بولەك، وزبەكستان، يران، ءۇندىستان، تاجىكستان، فيليپپين، وڭتۇستىك كورەيا، ۋكراينا، رەسەي، موڭعوليا جانە قىرعىزستان ەلدەرىنىڭ بوكسشىلارى قاتىسىپ جاتىر. فينالدىق ايقاستار 10- ماۋسىمدا وتەدى.

اۆتور: كۇنسۇلتان وتارباي