الماتى وبلىسىندا قار جاۋىپ جاتىر
قار ارالاس جاڭبىر قازىر كەگەن، نارىنقول سياقتى تاۋلى اۋدانداردا بايقالىپ وتىر.
«كازگيدرومەت» ر م ك الماتى بولىمشەسىنىڭ ينجەنەر سينوپتيگى يليەۆا ارزىگۇلدىڭ ايتۋىنشا، قازىر اتالعان اۋداندا اۋا تەمپەراتۋراسى 1 گرادۋس جىلىلىقتى كورسەتىپ تۇر.
«كەشە بۇل اۋداندا تۇستەن كەيىن جاڭبىر جاۋا باستاعان. جاڭبىردىڭ ارتى قارعا ۇلاستى. تاۋلى ايماقتاردا 0+5 گرادۋس شاماسىندا قار ارالاس جاڭبىر جاۋۋى قالىپتى جاعداي. ەرتەڭ مۇندا كۇن اشىلادى. ورتاشا اۋا تەمپەراتۋراسى جالپى الماتى وبلىسىندا 23+ گرادۋس دەپ بولجاپ وتىرمىز. ال نارىنقول، كەگەن سياقتى تاۋلى ايماقتاردا ودان ءسال تومەن بولادى»، - دەدى ينجەنەر سينوپتيك يليەۆا ارزىگۇل.
ايتا كەتۋ كەرەك، كەشە الەۋمەتتىك جەلى قولدانۋشىلارى شىمبۇلاق، مىڭجىلقى اراسىندا قار ءتۇستى دەگەن اقپارات تاراتىپ، سۋرەتتەرىن جاريالاعان بولاتىن.
