چىڭ لۇڭ: ديماش كەرەمەت كينو اكتەرى بولادى دەپ ويلايمىن

استانا. قازاقپارات - قازاقستان-قىتاي كينوفەستيۆالىنىڭ اشىلۋ سالتاناتىنا ارنايى كەلگەن قىتايلىق تانىمال اكتەر چىڭ لۇڭ ديماش قۇدايبەرگەننىڭ كينوعا ءتۇسۋى جايىندا ءوز ويىن ءبىلدىردى، دەپ حابارلايدى قازاقپارات.

چىڭ لۇڭ كينو فەستيۆالىنىڭ اشىلۋ سالتاناتىنا ارنالعان باسپا ءسوز ءماسليحاتىندا قازاقپارات اگەنتتىگىنىڭ سۇراعىنا: «تەلەديداردان ديماشتىڭ كەرەمەت داۋىسىن ەستىپ، جاس تالانتتىڭ ونەرىنە ءتانتى بولدىم. كەيىن ول مەنىڭ فاناتىم ەكەنىن ءبىلدىم. ارينە، مەن ونى كينو سالاسىندا وتە تاماشا اكتەر بولادى دەپ ويلايمىن»، - دەپ جاۋاپ قايتاردى.

بۇگىن استانا قالاسىنداعى قازمەديا ورتالىعىندا «قازاقستان-قىتاي كينوفەستيۆالىنىڭ» اشىلۋ سالتاناتى ءوتىپ جاتىر.

كەشتىڭ قۇرمەتتى قوناعى رەتىندە وسكار سىيلىعىنىڭ يەگەرى، الەمگە تانىمال قىتايلىق اكتەر چىڭ لۇڭ كەلىپ وتىر. ەسكە سالا كەتەيىك، الەمدىك اكتەر، كاسكادەر، كينورەجيسسەر، كينوپروديۋسەر، سەناريست، ءانشى، ميلليونداعان كورەرمەننىڭ سۇيىكتىسىنە اينالعان اڭىز ادام - چىڭ لۇڭ كەشە العاش رەت استاناعا كەلدى.

ول 7- ماۋسىمدا قازاقستانداعى قىتاي كينوسى فەستيۆالىنىڭ اشىلۋ سالتاناتىنا قاتىسادى. شارا «قازمەديا ورتالىعىنىڭ» كينوكونسەرت زالىندا وتەدى.

شارانىڭ باستى ۇيىمداستىرۋشىلارى - «قازاقستان» رەسپۋبليكالىق تەلەراديوكورپوراتسياسى مەن ق ح ر باسپا ءسوز، باسپا، راديو، كينو جانە تەلەۆيزيا ءىسى جونىندەگى مەملەكەتتىك باسقارماسى.

ايتا كەتۋ كەرەك، 7-18- ماۋسىم ارالىعىندا استانادا وتەتىن قىتاي كينوسى فەستيۆالى اياسىندا ەلوردالىقتار مەن قالا قوناقتارى «ىلە وزەنى»، «شىنايى ماحاببات، «گۇلىم»، «قاتەرلى ىسىك مىرزا، كەتىڭىز»، «قاسقىر توتەمى» سىندى تۋىندىلاردى تاماشالاي الادى.

اۆتور: مۇحتار قاليموللا ۇلى