اقۇشتاپ اقىن ەلگە شىعىپ، رۋحاني جاڭعىرۋ باعىتىندا ءسوز قوزعادى
شارا بارىسىندا اقىن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان تاپسىرمالاردى جۇزەگە اسىرۋ باعىتىندا ءوز وي- تولعامدارىمەن ءبولىستى. اسىرەسە، ۇلتتىڭ رۋحاني جاڭعىرۋى ءۇشىن ۇرپاق، سونىڭ ىشىندە قىز بالا تاربيەسىن مىقتاپ قولعا الۋ قاجەتتىگىن جەتكىزدى. وتباسى دىڭگەگى نىقتالىپ، مەملەكەت مارتەبەسى بيىكتەي ءتۇسۋى ءۇشىن ايەل- انالار يماندى دا يبالى، ال ەرلەر ايبارلى دا ايبىندى، ولاردىڭ قورعانى بولا ءبىلۋى كەرەكتىگىن ايتتى.
«تۋعان جەر» باعدارلاماسىن جۇزەگە اسىرۋعا ءوز ەلىن، ءوز جەرىن سۇيەتىن اركىم ۇلەسىن قوسا الادى. بۇل ءۇشىن الدىمەن تۋعان جەرگە، وتانعا دەگەن سۇيىسپەنشىلىكتى جاستاردىڭ بويىنا سىڭىرە ءبىلۋ كەرەك. كەشتە قاراتوبە جانە سىرىم اۋداندارىنىڭ اكىمدەرى اسحات شاحاروۆ پەن ابات شىنىبەكوۆ، اۋىل ادامدارى ەلدىڭ رۋحىن كوتەرىپ جۇرگەن اقىنعا شىنايى ىزەتتەرىن ءبىلدىردى. قاراتوبە اۋداندىق «قاراتوبە ءوڭىرى» ءوڭىرى گازەتىنىڭ رەداكتورى، اقىن ەرتاي بيمۇحانوۆ اقۇشتاپ باقتىگەرەيەۆتىڭ ءومىرى مەن شىعارماشىلىعىنا توقتالسا، جاس ايتىسكەرلەر، سىرىمدىق باۋىرجان شيرمەدين ۇلى مەن قاراتوبەلىك رايىمبەك وتەپوۆ تىلەكتەرىن ولەڭمەن جەتكىزدى. اقىننىڭ جىرلارى وقىلىپ، اندەرى ورىندالدى.
«كورەرمەننىڭ ولەڭگە دەگەن قوشەمەتى مەن ىستىق ىقىلاسىنان رۋحانياتقا شولدەۋ، جان ازىعىنا ۇمتىلىستىڭ ءالى دە مول ەكەندىگىن ۇعىندىق. اقىندار مەن ونەر ادامدارى وسىلاي ەلدى ءجيى ارالاپ، مازمۇندى كەشتەر وتكىزسە دەيمىز» ، دەدى ەڭبەك ارداگەرى ورىنعالي ەرمەكقاليەۆ. بۇگىن اقۇشتاپ باقتىگەرەيەۆانىڭ وسىنداي جىر كەشى كورشىلەس اتىراۋ وبلىسى قىزىلقوعا اۋدانىنىڭ ورتالىعى ميالى اۋىلىندا وتپەكشى.
اۆتور: ەلجان ەرالى
